پرەزيدەنت رەسەي، قىتاي جانە ورتالىق ازيا ەلدەرىمەن ىنتىماقتاستىق تۋرالى پىكىر ءبىلدىردى
«ءبىزدىڭ سىرتقى ساياساتىمىزدىڭ باسىم باعىتى رەسەي فەدەراتسياسى بولىپ قالا بەرەدى. ءبىز بارلىق سالالار مەن باعىتتار بويىنشا ستراتەگيالىق سەرىكتەستىكتى ودان ءارى نىعايتۋعا تىرىسامىز. قىتاي حالىق رەسپۋبليكاسىمەن كوپ قىرلى ستراتەگيالىق سەرىكتەستىكتى دامىتۋ قازاقستان ءۇشىن اسا ماڭىزدى. مەملەكەتىمىز قىتايدىڭ «ءبىر بەلدەۋ، ءبىر جول» اتتى اۋقىمدى باستاماسىن قولدايدى جانە وسى جوباعا بەلسەندى تۇردە قاتىسۋدا» ، - دەدى مەملەكەت باسشىسى قازاقستاندا اككرەديتتەلگەن شەت ەلدەردىڭ ديپلوماتيالىق ميسسيالارىنىڭ باسشىلارىمەن كەزدەسۋدە.
سونىمەن بىرگە، پرەزيدەنت ورتالىق ازيا وڭىرىندەگى ىنتىماقتاستىق جونىندە ايتىپ بەردى.
«قازاقستان ورتالىق ازيا ەلدەرىمەن ەكىجاقتى ىنتىماقتاستىقتى ودان ءارى دامىتا بەرەدى. مىسالى، جاقىن ارادا وزبەكستانمەن ءبىرقاتار ماڭىزدى جوبالار ىسكە اسىرىلدى. كۇن تارتىبىندەگى باسقا دا ماسەلەلەر ۋاقتىلى شەشىلمەك. بارشامىز بۇل ءوڭىردىڭ تۇراقتى، ەكونوميكالىق تۇرعىدا ورنىقتى جانە ءقاۋىپسىز دامۋىنا مۇددەلىمىز. بىرەر كۇننەن كەيىن تاشكەنتتە ورتالىق ازيا ەلدەرى كونسۋلتاتيۆتىك جۇمىس كەزدەسۋىنىڭ وتىرىسى وتپەك. ەرتەڭ مەن قىرعىزستانعا مەملەكەتتىك ساپارمەن اتتانامىن. كەلىسسوزدەر بارىسىندا ءبىرقاتار ماڭىزدى ماسەلەلەر تالقىلانادى» ، - دەدى قاسىم- جومارت توقايەۆ.
