قازاقپارات كۇنتىزبەسى: بۇگىن حالىقارالىق ەتىكشىلەر جانە دۇنيەجۇزىلىك اقپارات كۇنى
اتاۋلى كۇندەر
دۇنيەجۇزىلىك اقپارات كۇنى
قىزمەتى اقپاراتتىق تەحنولوگيالار مەن كومپيۋتەرگە نەگىزدەلگەن كاسىپ يەلەرىنىڭ مەرەكەسى. 1988 -جىلى نەگىزى قالانعان حالىقارالىق اقپاراتتاندىرۋ اكادەمياسىنىڭ (ح ا ا) باستاماسىمەن اتاپ وتىلەدى.
ح ا ا – ب ۇ ۇ ەكونوميكالىق جانە الەۋمەتتىك كەڭەسىندە باس كونسۋلتاتيۆتىك مارتەبەسى بار الەمدەگى جالعىز اكادەميا. الەمنىڭ 140 تان استام ەلىندە تىركەلگەن، بىرنەشە ءىرى قالالاردا شتاب- پاتەرى ورنالاسقان. اقپاراتتىق قىزمەت سالاسىنا بايلانىستى ىرگەلى جانە قولدانبالى زەرتتەۋلەر جاساۋمەن اينالىسادى.
حالىقارالىق ەتىكشىلەر كۇنى
ديزاينمەن، اياق كيىم دايىنداۋمەن، تىگۋمەن اينالىساتىن شەبەرلەر مەن قولونەرشىلەردىڭ، سونداي- اق وسى وندىرىستە جۇمىس ىستەيتىن، اياق كيىم جوندەيتىن مامانداردىڭ كاسىبي مەرەكەسى.
ەستە قالار وقيعالار
1916 -جىلى ەرلى- زايىپتى كولباي، ماريام توگىسوۆتەردىڭ باسشىلىعىمەن سەمەي قالاسىندا دەموكراتيالىق- اعارتۋشىلىق باعىتتاعى العاشقى قازاق باسىلىمدارىنىڭ ءبىرى «الاش» گازەتى جارىق كوردى. گازەتكە قازاق زيالىلارى ن. قۇلجانوۆا، ع. جانايداروۆا، ج. اقبايەۆ، م. اۋەزوۆ، س. تورايعىروۆ، ت. ب. بەلسەنە ات سالىسقان. 50 شاقتى سانى شىققاننان كەيىن «الاش» گازەتى 1917 -جىلى مامىردا قارجى تاپشىلىعىنا بايلانىستى جابىلىپ قالعان.
1993 -جىلى وڭتۇستىك قازاقستان وبلىسىنىڭ تولە بي اۋدانىندا تولە ءبيدىڭ ەسكەرتكىشى اشىلدى.
1997 -جىلى الماتىداعى كوشەلەردىڭ بىرىنە مەملەكەت قايراتكەرى، فيلولوگيا عىلىمدارىنىڭ دوكتورى، پروفەسسور، اۋدارماشى، عالىم ءمۇسىلىم بازاربايەۆتىڭ ەسىمى بەرىلدى. ونىڭ عىلىمي ەڭبەكتەرى قازاق ادەبيەتىنىڭ كوركەمدىك ەرەكشەلىكتەرىنە، ادەبيەتتانۋ ماسەلەلەرىنە ارنالعان. شاكارىم قۇدايبەردى ۇلىنىڭ شىعارماشىلىعىن زەرتتەگەن. يۆان تۋرگەنيەۆتىڭ تۋىندىلارىن قازاق تىلىنە اۋدارعان. ەكى رەت ەڭبەك قىزىل تۋ جانە «پاراسات» وردەندەرىمەن ماراپاتتالعان.
2005 -جىلى «ۇلىتاۋ» توبىنىڭ «جۇمىر، قىلىش» دەپ اتالاتىن العاشقى جەكە البومىنىڭ تۇساۋكەسەرى ءوتتى. ماحامبەتتىڭ «جۇمىر، قىلىش» كۇيىنىڭ اتىمەن اتالعان جاڭا ديسكىگە «ۇلىتاۋ» توبىنىڭ ورىنداۋىنداعى 10 كومپوزيتسيالىق شىعارما توپتاستىرىلعان. ءۇنتاسپا ماسكەۋدەگى ۆلاديمير وسينسكييدىڭ ستۋدياسىندا جازىلىپ، اقش- تىڭ لوس- اندجەلەس قالاسىنداعى «Paramaunt Records» ستۋدياسىندا وڭدەۋدەن وتكەن.
2013 -جىلى ق ر پرەزيدەنتىنىڭ جارلىعىمەن مادەنيەت جانە ونەر قىزمەتكەرلەرى كۇنى جانە ەڭبەك كۇنى بەلگىلەندى. «قازاقستان رەسپۋبليكاسىنداعى مەرەكەلەر تۋرالى» 2001 -جىلعى 13 -جەلتوقسانداعى ق ر زاڭىنىڭ 4-بابىنا سايكەس مادەنيەت جانە ونەر قىزمەتكەرلەەرى كۇنى 21 -مامىردا، ەڭبەك كۇنى - قىركۇيەكتىڭ سوڭعى جەكسەنبىسىندە اتالىپ وتىلەدى.
2017 -جىلى 21 جاستاعى جالعاس تايكەنوۆ ازيا پاراكانوە چەمپيوناتىندا قازاقستان تاريحىندا العاش رەت توپ جاردى. ازيانىڭ ون ەلىنەن 75 سپورتشى قاتىسقان تۋرنيردىڭ 200 مەترگە جارىسىنىڭ KL-3 كۆاليفيكاتسياسىندا جۇيرىك اتانعان وتانداسىمىز فينالدا يران وكىلىن ارتقا تاستاپ، چەمپيون بولدى.
2018 -جىلى «مەرەيتويلىق جانە اتاۋلى كۇندەر» سەرياسىمەن «قازاقستان رەسپۋبليكاسىنىڭ بۇۇ قاۋىپسىزدىك كەڭەسىنە مۇشەلىگى» پوشتالىق ماركاسى اينالىمعا شىقتى. پوشتالىق ماركا ءتورت بوياۋدان تۇراتىن وفسەتتىك باسپا رەتىندە شىعارىلعان. تارالىمى - 20000 دانا. باعاسى 250 تەڭگەنى قۇرادى.
2017 -جىلدىڭ قاڭتارىندا قازاقستان 2017-2018 -جىلدارعا بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى.
