قوعام قايراتكەرى ورازكۇل اسانعازى جەتىسايلىق قىز-كەلىنشەكتەرمەن كەزدەستى
تاعلىمدى كەزدەسۋگە اۋدان اكىمىنىڭ ورىنباسارى ماقسات جولداسبەكوۆ پەن اۋداندىق ءبىلىم ءبولىمىنىڭ ادىسكەرلەرى، ۇستازدار مەن كوللەدج ستۋدەنتتەرى قاتىستى
كەزدەسۋدىڭ نەگىزگى تاقىرىبىندا قازاقى سالت-ءداستۇر مەن ءتالىم-تاربيەنىڭ كەشەگىسى، بۇگىنى، بولاشاعى جايى قامتىلدى.
ءتىل جاناشىرى نازىكجاندىلاردى ومىردە كەزدەسەتىن قيىندىقتارعا مويىماي العا ۇمتىلۋعا، ماقساتقا جەتۋدە تاباندىلىق تانىتۋعا شاقىردى. ۇرپاقتار ساباقتاستىعىن ساقتاپ، وتباسى قۇندىلىقتارىن دارىپتەۋگە ارنالعان باسقوسۋدا ورازكۇل اسانعازى بالا تاربيەسىندەگى نەگىزگى ۇستانىمدار مەن قاعيداتتار جايىندا ايتىپ ءوتتى. ءتالىم-تاربيە تەتىكتەرى مەن باعىت-باعدارى، ونەگەلى، ۇلگىلى وتباسىلار جايىندا جايىندا كەڭىنەن اڭگىمە قوزعادى. ءومىر جولى ونەگەگە تولى كوپ بالالى انالاردىڭ اقىل- كەڭەستەرى تىڭدالىپ، ۇسىنىس- پىكىرلەرى ايتىلدى.
«ءبىز بۇل شارانى ۇيىمداستىرۋ ارقىلى وتاسىنىڭ قادىر-قاسيەتىن ارتتىرىپ، ۇرپاقتار ساباقتاستىعىن ساقتاۋدى ماقسات ەتتىك. پەرزەنت الدىنداعى اتا-انانىڭ جاۋاپكەرشىلىگىن ايقىنداپ، اتا- انا الدىنداعى پەرزەنتتەردىڭ مىندەتىن ۇعىندىرعىمىز كەلدى. ءاربىر وتباسى - تاۋەلسىز مەملەكەتتىمىزدىڭ نەگىزگى بولشەگى، قۇرامى ەكەنىن سەزىندىرۋگە تىرىستىق»، - دەدى جەتىساي اۋدانى اكىمىنىڭ ورىنباسارى ماقسات جانۇزاق ۇلى.
باسقوسۋ بارىسىندا قاتىسۋشىلارمەن بالا تاربيەسى مەن وتباسىندا، قىزمەت بارىسىندا كەزدەسەتىن ءتۇرلى قيىندىقتارعا بايلانىستى جاعداياتتى سۇراقتار قويىلىپ، جاۋاپتار الىندى. وتباسىنىڭ قادىر- قاسيەتىن ارتتىرىپ، ۇرپاقتار ساباقتاستىعىن ساقتاۋدى ماقسات ەتكەن اتالمىش شارانىڭ جاستار ءۇشىن دە، ۇلكەندەر ءۇشىن دە ماڭىزدى ەكەندىگى ايتىلدى.
كەزدەسۋدى ۇيىمداستىرۋشىلار قاتىسۋشىلاردىڭ بەلسەندىلىگىنە شىنايى العىستارىن ءبىلدىردى.
اۆتور: اينۇر اقبايەۆا
