پاۆلودار وبلىسىنا گاز تارتىلا ما - اسقار ءماميننىڭ جاۋابى
«وزدەرىڭىز بىلەتىندەي، «سارى ارقا» گاز قۇبىرى قازىردىڭ وزىندە ەلورداعا جەتتى. بۇل جوبانىڭ 2، 3-كەزەڭىن كوكشەتاۋ مەن پەتروپاۆلعا دەيىن ودان ارى دامىتۋ قاراستىرىلىپ جاتىر. قازىرگى ۋاقىتتا ءبىز پاۆلودار وبلىسىن گازداندىرۋدىڭ ەكى نۇسقاسىن قاراستىرىپ وتىرمىز»، - دەدى ۇكىمەت باسشىسى سەناتورلاردىڭ ساۋالىنا وراي.
پرەمەر- ءمينيستردىڭ ايتۋىنشا، ءبىرىنشى نۇسقاعا سايكەس، «سارى ارقا» گاز قۇبىرى ودان ارى دامىتىلىپ، 2 جانە 3-كەزەڭ ەسەبىنەن پاۆلودار وبلىسىنىڭ تۇرعىندارىنا كوگىلدىر وتىن جەتكىزىلەتىن بولادى. ال ەكىنشى نۇسقا بويىنشا رەسەيدىڭ گاز تاسىمالداۋ جۇيەسىنە قوسىلۋ كوزدەلەدى. بۇل ماسەلەگە بايلانىستى رەسەيلىك «گازپروم» كومپانياسىمەن ماسەلەلەر تالقىلانۋ ۇستىندە.
«قازىرگى ۋاقىتتا وسى ەكى نۇسقا بويىنشا دا تەحنيكالىق- ەكونوميكالىق نەگىزدەمە ازىرلەۋ باعىتىندا ءتيىستى جۇمىس جۇرگىزىلىپ جاتىر. 2020 -جىلدىڭ 1-توقسانىندا بىزدە جوبانى قاي نۇسقامەن دامىتۋعا قاتىستى ناقتى تۇسىنىك بولادى»، - دەدى اسقار مامين.
اۆتور: مارلان جيەمباي
