گونكونگتەگى نارازىلىق كەزىندە ۇستالعان قازاقستان ازاماتى ۋاقىتشا وقشاۋلاعىشتا وتىر
«وسىدان ءبىر- ەكى كۇن بۇرىن 209 قازاقستاندىق ستۋدەنتتىڭ ەلگە ورالعانىن حابارلاعان بولاتىنبىز. 32 ستۋدەنت گونكونگتە قالۋعا وزدەرى نيەت ءبىلدىردى. ويتكەنى، ولار وزدەرىن قاۋىپسىز سەزىنىپ وتىر. 17 ستۋدەنت جاقىن ارادا قايتامىز دەپ شەشتى. ايتا كەتۋ كەرەك، گونكونگتە ارنايى توتەنشە جاعداي ەنگىزىلگەن جوق. سوندىقتان، باسقا تۋريستەر نەمەسە قازاقستان ازاماتتارى ول جەردە بولا بەرەدى» ، - دەدى ق ر ءس ءى م رەسمي وكىلى ايبەك سمادياروۆ ۆەدومستۆودا وتكەن باسپا ءسوز ءماسليحاتىندا وتكەن باسپا ءسوز ءماسليحاتىندا.
ايبەك سمادياروۆتىڭ ايتۋىنشا، ق ر س ءى م- ءنىڭ وتكەن اپتاداعى ۇندەۋى سول جاقتاعى ستۋدەنتتەرگە ارنالعان.
«وقۋ كەلەسى جىلدىڭ قاڭتارىنا دەيىن توقتاتىلدى. ونلاين- رەجىمدە ساباق وقي بەرۋگە بولادى. الايدا ءبىزدىڭ ازاماتتار سول جەردە قالعان جاعدايدا توتەنشە جاعدايعا تاپ بولىپ جاتسا، ءبىزدىڭ باس كونسۋلعا مىندەتتى تۇردە حابارلاسۋ كەرەك. قاي كوشەدە نارازىلىقتىڭ بولىپ جاتقانىن ءبىزدىڭ كونسۋلدىڭ ۆەب- سايتىنان كورۋگە بولادى»، - دەدى ول.
ق ر س ءى م رەسمي وكىلى سونىمەن قاتار، سول جاقتا تۇتقىنعا الىنعان قازاقستاندىق ستۋدەنت تۋرالى دا ءسوز ەتتى.
«قازىرگى تاڭدا تەرگەۋ ءجۇرىپ جاتىر. اكە- شەشەسى گونكونگكە بۇگىن ۇشىپ كەلدى. ءبىزدىڭ ديپلوماتتار بىرنەشە رەت ول جىگىتپەن كەزدەستى. تەرگەۋ وقشاۋلاعىشىنداعى ۇستاۋ جاعدايىنا ەشقانداي شاعىم جوق. دەنساۋلىعى جاقسى. وعان قاجەتتى زاتتاردىڭ ءبارى اپارىلدى. ادۆوكات تابىلدى. ەندى تەرگەۋ ناتيجەسىن كۇتەمىز. ول ءبىرىنشى كۋرستىڭ ستۋدەنتى. وعان ءالى ەشقانداي ايىپ تاعىلمادى»، - دەدى ول.
ەسكە سالا كەتسەك، گونكونگ قالاسىندا نارازىلار مەن پوليسيا اراسىنداعى قاقتىعىس كەزىندە قازاقستان ازاماتى ۇستالعانى حابارلانعان بولاتىن.
«گونكونگ قالاسى پوليتسياسىنىڭ قازاقستاندىق ديپلوماتتارعا ۇسىنعان اقپاراتىنا سايكەس، 18 - قاراشا كۇنى نارازىلىق تانىتۋشىلارمەن قاقتىعىس بارىسىندا قازاقستان ازاماتى، گونكونگ باپتيست ۋنيۆەرسيتەتىنىڭ ءبىرىنشى كۋرس ستۋدەنتى نۇكپي ءابىلقايىر ۇستالعان. كونسۋل ازاماتىمىزعا باردى، ونىڭ دەنساۋلىق جاي- كۇيى تۇراقتى، وڭ قولىنىڭ شىنتاعىندا ۇستاۋ كەزىندە قۇلاعان ساتتە العان ازداعان جاراقاتى بار. ۇستالۋ جاعدايىنا ەشقانداي شاعىمى جوق»، - دەپ اتاپ وتكەن ەدى مينيسترلىكتەن.
بۇعان دەيىن قازاقستاننىڭ گونكونگتەگى باس كونسۋلدىعى گونكونگتەگى (ق ح ر) جاعدايدىڭ شيەلەنىسۋىنە جانە جاپپاي نارازىلىق اكسيالارىنىڭ جالعاسۋىنا بايلانىستى ەلىمىزدىڭ ازاماتتارىنا قالادا قالىپتاسقان توتەنشە جاعدايدى ەسكەرۋدى وتىنگەن بولاتىن.
بۇعان قوسا ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ سول جاقتاعى قازاقستاندىق ستۋدەنتتەردى ەلگە ورالۋعا شاقىرعان ەدى.
