قاراعاندىدا تاتارلاردىڭ چاك- چاك بايرام مەرەكەسى اتاپ ءوتىلدى
مەرەكەگە باسقا دا ەتنومادەني بىرلەستىكتەردىڭ وكىلدەرى شاقىرىلدى، دەپ حابارلايدى قازاقپارات ءتىلشىسى.
مەرەكەنىڭ باستى تاقىرىبى ۇلتتىق چاك- چاك دەسەرتى بولدى. ونى ءار ءتۇرلى نۇسقالاردا دايىندالعان ۇلگىلەرى ۇسىنىلدى. قوناقتارعا ۇلتتىق سالت- داستۇرلەر مەن تاتار كيىمدەرى كورسەتىلدى. كونسەرتتىك باعدارلاماعا ۇلتتىق اندەر مەن بيلەر كىردى.
جينالعانداردى قاراعاندى وبلىسى اكىمى اپپاراتىنىڭ «قوعامدىق كەلىسىم» كمم ديرەكتورى ەرلان قۇسايىن قۇتتىقتادى.
«ەتنوستىق مەرەكەلەر ءارقاشاندا ءتۇرلى ەتنوستار مەن ءدىني نانىم- سەنىمدەر ادامدارىنىڭ قارىم- قاتىناسىنا ىقپال ەتتى. ءبىرىڭعاي تاتۋ وتباسىندا ءبىز بىرگە ەلدىڭ يگىلىگى مەن وركەندەۋى ءۇشىن جاڭا قازاقستاندى قۇرۋدامىز»، - دەدى ول.
مەرەكە سوڭىندا قازاقستان حالقى اسسامبلەياسىنىڭ مۇشەسى شاميل وسين بەلسەندى قوناقتارعا العىس حاتتار مەن سىيلىقتار تابىس ەتتى.
