جەر شارىندا تىرشىلىگى جوق جەر بار - الەمدىك باسپا سوزگە شولۋ
جاساندى كوز: بولاشاقتا روبوتتار قالاي كورەتىن بولادى؟ - BBC
اۆتوكولىكتەر كوشەدە جۇرگىزۋشىسىز ءجۇرۋى ءۇشىن قانداي «كوز» كەرەك ەكەنى داۋعا ۇلاستى. يلون ماسكlidar لازەرلى سكانەرلەۋ جۇيەسىنىڭ تىم قامبات ءارى قاجەتسىز بولاتىنىن ايتتى. ونىڭ پايىمىنشا، جاساندى ينتەللەكت پەن كامەرالاردىڭ بىرىگۋى اۆتوكولىكتەردىڭ جۇرگىزۋشىسىز قوزعالۋى ءۇشىن جەتكىلىكتى بولادى، دەپ جازادى BBC.
«ماسكتىڭ پىكىرىنە قاراماستان، 10 مىڭ دوللار تۇراتىن بۇل جۇيەنىڭ قاجەت ەكەنىن ايتۋشىلار دا بار. اۆتونومدى كولىكتەردىڭ قورشاعان ورتانى قابىلدايتىن باسقا دا مۇمكىندىكتەرى بار بولعانىمەن، ولار ءالسىز. قازىرگى تاڭدا Lidar جۇيەسىنىڭ باعاسىن تومەندەتىپ، ارزانىراق ءارى تيىمدىرەك نۇسقاسىن جاساۋ ماسەلەسى كۇن تاتىبىندە تۇر»، دەلىنگەن اقپاراتتا.
اۆتوردىڭ ايتۋىنشا، Lidar جۇيەسى كەز كەلگەن اۋا رايىندا قورشاعان ورتانى جاقسى تاني الادى.
جەر شارىندا تىرشىلىك جوق جەر بار - CNN
عالىمدار جاڭا زەرتتەۋ ناتيجەسىندە ەفيوپيادا تىرشىلىك جوق جەر بار ەكەنىن انىقتادى، دەپ جازادى CNN. باسىلىمنىڭ حابارلاۋىنشا، ەفيوپيادا داللول دەگەن جەردە مۇلدەم تىرشىلىك جوق. وندا ءتىپتى، ميكرواعزالار دا تىرشىلىك ەتە المايدى. عالىمداردىڭ ماقالاسى Nature Ecology - Evolution عىلىمي جۋرنالىندا جاريالانعان.
«داللول - جەر شارىنداعى ەڭ ەكسترەمالدى ورىنداردىڭ ءبىرى، وتە ىستىق، تۇزدى جانە قىشقىل جەر. بۇل جەردىڭ سۋى تۇزعا، توكسيندى گازدارعا تولى. ءبىز زەرتتەي كەلە بۇل جەردە ميكروبتىق تىرشىلىكتىڭ جوق ەكەنىن انىقتادىق»، دەيدى عالىمدار.
عالىمدار توبى جەر شارىنداعى ەكسترەمالدى جاعدايداعى تىرشىلىك تۋرالى دەرەكتەردىڭ بارلىعىن نازارعا العان. ولاردىڭ اتاپ وتۋىنشە، سۋدىڭ بار بولۋى تىرشىلىكتىڭ بار ەكەنىنىڭ دالەلى بولا المايدى.
«داللولدا سۋ بار بولعانىنا قاراماستان، بۇل جەردە مۇلدەم تىرشىلىك جوق»، - دەدى عالىمدار.
تەحنيكالىق گيگانتتار ونلاينداعى ءار ارەكەتتى اڭدىپ وتىرادى - The Guardian
«تەحنيكالىق گيگانتتار ونلاينداعى ءار ارەكەتتى اڭدىپ وتىرادى. بۇل ادام قۇقىقتارىن بۇزادى»، دەپ جازادى The Guardian.
اۆتوردىڭ ايتۋىنشا، Facebook مالىمەتتەردى جيناۋ ينتەرنەت جۇمىسىنىڭ اجىراماس بولشەگى ەكەنىن مالىمدەگەن.
«ينتەرنەتكە كىرىپ، Facebook-تى پاراقتاپ وتىرعان ادام ءوزى قىزىعاتىن سالالار تۋرالى جارنامالاردىڭ شىعىپ تۇراتىنىن بايقايدى. دەگەنمەن، ينتەرنەتكە قولجەتىمدىلىك قازىرگى زامانداعى ادام قۇقىقتارىن جۇزەگە اسىرۋدا ۇلكەن مانگە يە ەكەنى ءسوزسىز. بۇكىل الەمدەگى حالىق وسى پلاتفورمالارعا تاۋەلدى. ءبىراق ينتەرنەتتەگى ءوز قۇقىعىن قورعاۋى ءۇشىن ادامدار جۇيەگە باعىنۋى كەرەك. ال ول جۇيە ادام قۇقىقتارىنا قيانات جاساۋى مۇمكىن»، - دەپ جازادى باسىلىمنىڭ شولۋشىسى.
ونىڭ پايىمىنشا، قازىرگى تاڭدا Facebook پەن Google كومپانيالارىنا ينتەرنەتتە ادام قۇقىقتارىن بۇزعانى تۋرالى ءجيى ايىپ تاعىلادى. سونىمەن قاتار بۇل ەكى كومپانيا ۇكىمەتتىك باقىلاۋدى كۇشەيتۋگە اتسالىساتىنى دا ايتىلىپ ءجۇر.
كليمات بەلسەندىلەرى گارۆارد پەن يەل ۋنيۆەرسيتەتىنە اشۋلى - Vox
كليمات بەلسەندىلەرى گارۆارد پەن يەل ۋنيۆەرسيتەتتەرىنىڭ اراسىنداعى فۋتبول مماتچىن توقتاتىپ، ولاردىڭ قازبا بايلىقتارىن ينۆەستيتسيالاۋ تۋرالى شەشىمىنەن باس تارتۋدى سۇرادى، دەپ جازادى Vox.
باسىلىمنىڭ حابارلاۋىنشا، 150 دەن استام ادام جىل سايىنعى فۋتبول ويىنىنا كەدەرگى كەلتىرگەن.
«ا ق ش-تا كوپتەگەن ۋنيۆەرسيتەت قازبا بايلىقتارىن قارجىلاندىرۋدان باس تارتىپ جاتىر. قىركۇيەك ايىندا كاليفورنيا ۋنيۆەرسيتەتى دە قازبا وتىننان باس تارتاتىنىن حابارلادى. گارۆارد پەن يەل ۋنيۆەرسيتەتتەرىنىڭ ستۋدەنتتەرى ءوز وقۋ ورىندارىنان دا وسىنى تالاپ ەتتى»، - دەلىنگەن ماقالادا.
بالالاردىڭ مەكتەپكە بارۋ كورسەتكىشىن ارتتىرۋ جاھاندىق مىندەتكە اينالۋى كەرەك - The Independent
فوتوجۋرناليست پەددي دوۋلينگ رۋانداعا بارىپ، بالالاردى مەكتەپكە جىبەرۋ ىسىنە بەلسەنە ارالاسپاق، دەپ جازادى The Independent.
«25 جىل بۇرىن رۋاندا گەنوتسيدكە تاپ بولدى. ب ۇ ۇ بوسقىندار بويىنشا جوعارعى كوميسسياسىنىڭ حابارلاۋىنشا، 12 ميلليون حالقى بار رۋاندادا 145 مىڭ بوسقىن بار. ە ا ا ۇيىمى مە ونىڭ سەرىكتەستتەرى الەم بويىنشا 10,4 ميلليون بالانىڭ مەكتەپكە بارۋىنا اتسالىسپاق»، دەپ جازادى باسىلىم.
اۆتور: ايكۇمىس بولاتبەك
