تۇركىستان وبلىسى اكىمىنىڭ ورىنباسارى مۇگەدەكتەر ارباسىنا وتىرىپ، قالانى ارالادى

تۇركىستان. قازاقپارات - تۇركىستان وبلىسى اكىمىنىڭ ورىنباسارى ۇلان تاجىبايەۆ پەن قالا اكىمى راشيد ايۋپوۆ مۇگەدەك ارباعا وتىرىپ، قالاداعى پاندۋستاردىڭ ىڭعايلىلىعىن تەكسەردى، دەپ حابارلايدى قازاقپارات ءتىلشىسى.

مۇمكىندىگى شەكتەۋلى جانداردىڭ جاعدايىن ءتۇسىنۋ ءۇشىن قولارباعا وتىرعان بيلىك وكىلدەرى قالاداعى نىسانداردى ارالاپ، پاندۋستارى بار جەرلەرمەن ءجۇرىپ كوردى. بيىك ورنالاسقان پاندۋستاردى يەلەرىنە رەتكە كەلتىرۋدى تاپسىردى. جاڭادان سالىنىپ جاتقان عيماراتتاردا پاندۋستار سالىپ، ونىڭ بيىكتىگىن ءتيىستى تالاپقا ساي كەلتىرۋدى ەسكەرتتى.

ۇلان تاجىبايەۆ پەن راشيد ايۋپوۆ تروتۋارلاردىڭ ساپاسىن ءبىلۋ ءۇشىن قالانى قولاربامەن ارالاپ ءوتتى. جارىمجان جاندار ءۇشىن قيىندىقتار تۋعىزاتىن جەرلەرىن قۇرىلىسشىلارعا رەتكە كەلتىرۋدى مىندەتتەدى.

قالانى ادەتتەگىدەن ەرەكشە ارالاپ وتكەن وبلىس اكىمىنىڭ ورىنباسارى ۇلان تاجىبايەۆ Facebook-تەگى پاراقشاسىندا العان اسەرىمەن ءبولىستى.

«دەنى ساۋ ادامعا قاراعاندا مۇگەدەك ارباداعى ادامنىڭ ءومىرىنىڭ ايتارلىقتاي ايىرماشىلىعى بولادى ەكەن. مۇگەدەك اربادا وتىرعان سوڭ بويىڭ جارتى مەترگە الاسارىپ، بارلىق عيماراتتار بيىك كورىنەدى. جولدا كەتىپ بارا جاتىپ ونداعى ءاربىر شۇڭقىر، ەڭىستىڭ ءاربىر گرادۋسى، ءتىپتى كۋرتكانىڭ جەڭىنىڭ ۇزىندىعى جانە تاعى باسقاسى ماڭىزدى. اربانىڭ باعاسى، دوڭعالاقتاعى رەزەڭكە ساپاسى، ارقاسىنىڭ بيىكتىگى، دوڭگەلەكتەردى رەتتەۋ، تىرەۋىشتىڭ بيىكتىگى جانە تاعى باسقاسى. مۇنى سەن العاشقى ون مەتردە تۇسىنەسىڭ. بۇدان ءارى وي توقتامايدى، وسى (ورتا) جازىقتىقتا ءومىردى مودەلدەۋدى باستايمىز. مىڭداعان ورىن، بارۋعا بولمايتىن جەرلەر، جۇزدەگەن ادام، بىرەۋلەرمەن ەشقاشان تانىسپايتىن جانە تىرىسپايتىن جەرلەر وتە كوپ. بۇل كۇن، جىل ىشىندەگى كۇن.. بۇل ەكى ولشەمدى الەمدە ءومىر ءسۇرۋ سياقتى. وسىنداي جاعدايدا كۇن سايىن ومىرگە قۋانۋعا، كۇلۋگە، ءوزىنىڭ جاعىمدى ساتتەرىن ءلاززات الۋعا بولاتىن ادامداردى مۇلدەم باسقاشا قابىل الاسىڭ»، - دەلىنگەن پاراقشادا.

ۇ. تاجىبايەۆ مۇگەدەكتەر مەن بالالارعا، قارتتارعا ىڭعايلى جاعداي جاساۋ كەرەكتىگىن ايتادى. جوبالاۋ جانە قۇرىلىس جۇمىستارىن جاساعاندا اربالار مەن پاندۋستارعا ءمان بەرىپ، تابالدىرىقتار مەن دارەتحانالاردى، جاياۋجولداردا بارلىق جاعدايلار ەسكەرىلۋ قاجەتتىگىن جەتكىزەدى. بۇل باعىتتا باقىلاۋ تەك مەملەكەتتىك نىسانداردا عانا ەمەس، جەكەمەنشىك عيماراتتارعا دا جاسالاتىنىن ەسكەرتتى. «بۇل ماسلەلەردىڭ ءبارىن بىرگە ويلاستىرامىز»، - دەپ قورىتىندىلادى ول.

اۆتور: اينۇر اقبايەۆا