قىزىلوردالىق وقۋشى رەسەيدەگى ءان بايقاۋىندا باس جۇلدە الدى

قىزىلوردا. قازاقپارات - قىزىلوردا وبلىسىنىڭ قازالى اۋدانىندا تۇراتىن جاس ءانشى ماديار سەرىك حالىقارالىق بايقاۋدىڭ جەڭىمپازى بولدى، دەپ حابارلايدى قازاقپارات ءتىلشىسى.

ول رەسەيدىڭ تۋاپسە قالاسىندا بيىل 25- مارتە وتكىزىلگەن «حرۋستالنايا ماگنوليا» فەستيۆال- كونكۋرسىندا باق سىنادى. قارا تەڭىزدىڭ جاعالاۋىنداعى بالالار شىعارماشىلىعىنا ارنالعان بايراقتى باسەكەدە ءان ورىنداعان ماديار سەرىك گران- پري جەڭىپ الدى.

ماديار سەرىك قازالى اۋدانىنا قاراستى جانقوجا باتىر اۋىلىنداعى №94-مەكتەپتە وقيدى. ول بۇعان دەيىن بولگاريادا وتكەن «Star of the world»  اتتى حالىقارالىق بايقاۋدا گران- پري مەن ءۇش التىن مەدال يەلەنگەن بولاتىن.

اۆتور: ءادىلجان ۇمبەت