انا مەن بالا ءولىمى: ساپاربايەۆ ۇكىمەت ۇيىندە سەلەكتورلىق كەڭەس وتكىزدى

نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى بەردىبەك ساپاربايەۆ ۇكىمەت ۇيىندە انا مەن بالا ءولىمىن ازايتۋ ماسەلەلەرىنە ارنالعان سەلەكتورلىق كەڭەس وتكىزدى.

بۇل تۋرالى قازاقپارات primeminister.kz سايتىنا سىلتەمە جاساپ.

دەنساۋلىق ساقتاۋ ۆيتسە-ءمينيسترى كامالجان نادىروۆ اعىمداعى جاعداي مەن قابىلدانىپ جاتقان شارالار تۋرالى باياندادى.

ونىڭ مالىمەتتەرىنە سايكەس، سوڭعى ءۇش جىلداعى ديناميكانى تالداۋ ەلىمىزدە انا ءولىمىن تومەندەتۋ ءۇردىسىنىڭ جوقتىعىن كورسەتەدى. كورسەتكىشتەردىڭ ءوسۋى الماتى، قاراعاندى جانە شىعىس قازاقستان وبلىستارىندا بايقالادى.

سونىمەن قاتار، سوڭعى ءۇش جىل ىشىندە نارەستەلەر ءولىمى %4 ارتقانى بەلگىلەنگەن. وڭىرلەر تۇرعىسىنان ديناميكانىڭ اسا ءوسۋى اتىراۋ، ماڭعىستاۋ جانە اقتوبە وبلىستارىندا بايقالادى.

جۇكتى ايەلدەر مەن بالالارعا مەديتسينالىق كومەكتىڭ ساپاسىن ارتتىرۋ ماقساتىندا انا مەن بالا ءولىمىن ازايتۋ بويىنشا جوسپارلار جۇزەگە اسىرىلۋدا. ولاردىڭ نەگىزگى باعىتتارى — كادرلارمەن قامتاماسىز ەتۋ، ماتەريالدىق- تەحنيكالىق جاراقتاندىرۋ، مەديتسينالىق كومەكتى ستاندارتتاۋ، سيفرلاندىرۋ جانە حالىقپەن اقپاراتتىق جۇمىس جۇرگىزۋ.

«الايدا، مونيتورينگ اتالعان شارالاردى وڭىرلەردىڭ جەتكىلىكسىز ورىنداعانىن كورسەتەدى. ماسەلەن، الماتى وبلىسىندا مالىمدەلگەن 34 انەستەزيولوگ-رەانيماتولوگ دارىگەردىڭ تەك 10 مامانى، قاراعاندى وبلىسىندا 29 ماماننان تەك بىرەۋى، اقمولا وبلىسىندا 30 ماماننىڭ تەك تورتەۋى، ماڭعىستاۋ وبلىسىندا 15 ماماننىڭ تەك بىرەۋى تارتىلعان. تۇركىستان مەن شىعىس قازاقستان وبلىستارىندا قاجەتتىلىك بولعاننىڭ وزىندە نەوناتولوگ دارىگەرلەر تارتىلماعان، ال قوستاناي وبلىسىندا 9 دان 2 ءۋى عانا»، — دەدى ك. نادىروۆ.

ونىڭ ايتۋىنشا، ءبىرقاتار وڭىردە بالالار ۇيىمدارىن مەديتسينالىق جابدىقتارمەن قامتاماسىز ەتۋدىڭ تومەن دەڭگەيى بايقالادى. اتاپ ايتقاندا، ولار — قىزىلوردا، جامبىل، باتىس قازاقستان وبلىستارى جانە الماتى قالاسى.

سونىمەن قاتار، كەڭەستە تەگىن مەديتسينالىق كومەكتىڭ كەپىلدەندىرىلگەن كولەمى اياسىندا مەديتسينالىق مەكەمەلەردىڭ ءدارى-دارمەكتەر بويىنشا قارىزىن وتەۋ ماسەلەلەرى تالقىلاندى.

«س ك-فارماتسيا» ج ش س باسقارما ءتوراعاسىنىڭ مىندەتىن اتقارۋشى بەرىك ءشارىپتىڭ ايتۋىنشا، ەلىمىزدىڭ مەديتسينالىق مەكەمەلەرىنىڭ ءبىرىڭعاي ديستريبيۋتور الدىنداعى جالپى قارىزى 19,5 ميلليارد تەڭگەنى قۇرادى، ونىڭ 17 ميلليارد تەڭگەسى — بيىلعى كەلىسىمشارت بويىنشا.

سونداي-اق، اتىراۋ، قوستاناي، الماتى، قاراعاندى، تۇركىستان وبلىستارى، نۇر-سۇلتان، الماتى جانە شىمكەنت قالالارى اكىمدەرىنىڭ ورىنباسارلارى ۆيدەوكونفەرەنتسيا ارقىلى كەڭەسكە قاتىستى.

باياندامالاردى تىڭداعاننان كەيىن بەردىبەك ساپاربايەۆ ءبىرقاتار ناقتى تاپسىرمالار بەردى.

ۆيتسە-پرەمەر مەديتسينالىق قىزمەتتەر سالاسىنداعى ازاماتتاردىڭ شاعىمدارىنا ۋاقىتىلى جاۋاپ بەرۋدىڭ، بىلىكتى كادرلاردى دايارلاۋ جانە مەديتسينا قىزمەتكەرلەرىنىڭ بىلىكتىلىكتەرىن ۇزدىكسىز ارتتىرۋدىڭ، ماتەريالدىق-تەحنيكالىق جاراقتاندىرۋدىڭ، جۇكتى ايەلدەردىڭ ءتىزىلىمىن جۇرگىزۋدىڭ، انا مەن بالا ءولىمىن ازايتۋدىڭ ماڭىزدىلىعىن اتاپ ءوتتى.

«ءبىزدىڭ مىندەتىمىز - ازاماتتاردى قاجەتتى ءدارى-دارمەكتەرمەن ۋاقىتىلى قامتاماسىز ەتۋ. ەشقانداي اقتالۋ، سىلتاۋلار بولماۋى كەرەك! دەنساۋلىق ساقتاۋ مينيسترلىگى اكىمدىكتەرمەن بىرگە وسى جىلدىڭ 1- جەلتوقسانىنا دەيىن جيناقتالعان قارىزداردى وتەپ، ءتيىستى كەستەنى جاساۋى ءتيىس. «س ك-فارماتسيا» كەلەسى جىلى ءدارى-دارمەكتەردىڭ ۇزدىكسىز جەتكىزىلۋىن قامتاماسىز ەتۋى قاجەت. وتكەن جىلدارداعى بارلىق جىبەرىلگەن قاتەلىكتەر 2020-جىلى قايتالانباۋى كەرەك. وسى ماسەلەنى پىسىقتاپ، تۇبەگەيلى توقتاتىڭىزدار!»، — دەپ تۇيىندەدى ب. ساپاربايەۆ.

ايتا كەتۋ كەرەك، مەملەكەت باسشىسى قاسىم-جومارت توقايەۆ ەلوردانى ودان ءارى دامىتۋ جونىندەگى كەڭەستە مەديتسينالىق مەكەمەلەردى ءدارى-دارمەكتەرمەن قامتاماسىز ەتۋ ماسەلەسىن شەشۋدى تاپسىرعان بولاتىن.