نۇر-سۇلتاندا «حالىق ءداستۇرى - اسىل قازىنا» اتتى شارا وتەدى

نۇر-سۇلتان. قازاقپارات - نۇر-سۇلتاندا «مۋزەيلەر پارادى» اكسياسى شەڭبەرىندە «الجير» مەموريالدى-مۇراجاي كەشەنىندە «حالىق ءداستۇرى - اسىل قازىنا» اتتى شارا وتەدى، دەپ حابارلايدى ەلوردا اكىمدىگىنىڭ رەسمي سايتى.

ءىس-شارانىڭ ماقساتى: قازاق حالقىنىڭ ۇلتتىق سالت-داستۇرلەرىمەن تانىستىرۋ، قازاق حالقىنىڭ سالت-داستۇرلەرى مەن ادەت-عۇرپىنىڭ تاربيەلىك ءمانىن ۇعىندىرۋ، وقۋشىلاردىڭ بويىنا وتانسۇيگىشتىك، ادامگەرشىلىك قاسيەتتەرىن قالىپتاستىرۋ، تاربيەلىك ءمانى بار سالت-داستۇرلەردى بويىنا ءسىڭىرۋ.

وعان اقمول اۋىلى مادەنيەت ءۇيىنىڭ «اجەلەر» حور ءانسامبلى، «مالينوۆكا» ىزدەۋ توبى (اقمول اۋىلىنىڭ 5№  ورتا مەكتەبىنىڭ 4-5- سىنىپ وقۋشىلارى)، «الجير» مۇراجايىنىڭ ۇجىمى جانە اۋىل تۇرعىندارى قاتىسادى.

كەلۋشىلەرگە ۇلتتىق داستارحان جايىلىپ، سالت-داستۇرلەردەن كورىنىس قويىلىپ، ۇلتتىق ويىندار ويناتىلادى. سونداي-اق قوناقتارعا «الاش»، «الجير» زالدارى بويىنشا قازاق، ورىس تىلدەرىندە ەكسكۋرسيا وتكىزىلىپ، «الجير» - ءدىڭ ىزعارلى سۋىعى» دەرەكتى فيلمى كورسەتىلەدى.