ەلەكتروندى جۋرنال جۇيەسى: ءبىر رەت قويىلىپ كەتكەن باعانى قايتا وزگەرتۋگە بولا ما
«Kundelik.kz باعدارلاماسىن تولتىرۋ ءۇشىن كەيبىر اۋىلداعى ۇستازدار ينتەرنەت بولماعاندىقتان ءۇيدىڭ شاتىرىنا شىعادى. بولماسا قالاعا ينتەرنەت ىزدەپ كەلەدى» . و ك ق- دا وتكەن باسپا ءسوز ءماسليحاتىندا وسى ماسەلەگە قاتىستى ءبىلىم جانە عىلىم ۆيتسە- ءمينيسترى شولپان قارينوۆاعا سۇراق قويىلدى.
«بۇل سۇراققا بايلانىستى مينيسترلىكتىڭ ناقتى پوزيتسياسى ۆەدومستۆونىڭ بۇيرىعىندا كورسەتىلگەن. ەگەر مەكتەپتە، سول تۇرعىلىقتى اۋىلدا ينتەرنەت جوق بولسا، ول مەكتەپتەر كۇندەلىكتەرىن، جۋرنالدارىن قاعاز تۇرىندە تولتىرۋى ءتيىس. بۇگىنگى كۇنى مەكتەپتەردە ونىڭ بىرنەشە ەلەكتروندى جۇيەسى بار. ارينە، كوپ تاراعانى - «Kundelik» جۇيەسى. سوندىقتان، «Kundelik» تۋرالى كوبىرەك ايتىلادى. قازىرگى زامان ەلەكتروندى جۇيەنىڭ قاجەت ەكەنىن كورسەتىپ وتىر. ەلەكتروندى جۋرنالداردىڭ ءۇش جۇيەسى بار. ارينە، ينتەرنەتى جوق اۋىلدارعا مينيسترلىكتىڭ تاراپىنان ايتىپ وتىرمىز: ينتەرنەت جوق بولسا، ول جەردە ەلەكتروندى جۋرنال دا بولمايدى» ، - دەدى شولپان قارينوۆا.
ۆيتسە- مينيستر ءوز سوزىنە دالەل رەتىندە ەلەكتروندى جۇيەنىڭ جاقسى تۇستارىن كەلتىردى.
«سەبەبى، ەلەكتروندى جۋرنالدار ارقىلى ءار اتا- انا بالاسىنىڭ وقۋىنىڭ ناقتى ناتيجەسىن كورىپ وتىر. ەكىنشىدەن، ءمۇعالىم مەن مەكتەپ اكىمشىلىگى، ديرەكتورى - ناقتى ءبىلىم ساپاسىنا جاۋاپ بەرەتىن تۇلعالار. وسى كىسىلەر تولىق تالداۋدى وسى ەلەكتروندى جۇيە ارقىلى كورە الادى. بۇل وتە قاجەتتى جۇيە. ءبىز ونى ارى قاراي دامىتۋىمىز كەرەك» ، - دەدى ول.
سونىمەن بىرگە، «Kundelik» پورتالىندا وقۋشىعا قويىلىپ كەتكەن قاتە باعانى ءمۇعالىم قايتا تۇزەي المايتىن كورىنەدى. ۆيتسە- مينيستر ءبىر قويىلىپ كەتكەن باعانى وزگەرتۋ مۇمكىن ەمەس ەكەنىن مويىندادى.
«مۇعالىمدەر باعانى وزگەرتە المايتىنىن ايتىپ، شاعىمدانادى. ءيا، كەلىسەمىز. ولار تۇزەي المايدى. ويتكەنى، ەلەكتروندى جۇيە ءمۇعالىمنىڭ بارلىق پارمەنىن، بەلگىسىن ءتۇرتىپ الىپ ەنگىزەدى. باعا وزگەرمەۋى كەرەك. بىرىنشىدەن، باعانىڭ ءوزى ساباق بارىسىندا قويىلۋى كەرەك. ءمۇعالىم الدىمەن جۇمىس داپتەرىنە باعانى قويىپ الىپ، وسىدان كەيىن جۋرنالعا كوشىرۋى ءتيىس. ال ەگەر قاتە ەنىپ كەتسە، نۇسقاۋ حاتىنا ساي، بۇل وزگەرىستەردى ناقتى نەگىز بولعان جاعدايدا ەنگىزۋگە بولادى» ، - دەدى ول.
ەسكە سالا كەتسەك، بۇعان دەيىن قر ءبىلىم جانە عىلىم ۆيتسە- ءمينيسترى شولپان كارينوۆا بۇگىندە وقۋشىلاردىڭ ءبىلىمىن باعالاۋ ءۇشىن قولدانىلىپ وتىرعان ءبولىم بويىنشا جانە توقسان بويىنشا جيىنتىق باعالاۋلار (ب ج ب/س و ر جانە ت ج ب/س و چ) ءتارتىبىن ءتۇسىندىرىپ بەرگەن بولاتىن.
