ا ق ش مەملەكەتتىك حاتشىسىنىڭ كومەكشىسى رەسەيدىڭ «زياندى ىقپالى» تۋرالى ايتتى

نۇر-سۇلتان. قازاقپارات – كرەمل ارەكەتىنەن رەسەي دە، ۋكراينا ازاماتتارى دا زارداپ شەگىپ وتىر دەدى ا ق ش مەملەكەتتىك حاتشىسىنىڭ ەۋروپا جانە ەۋرازيامەن قارىم-قاتىناس جونىندەگى كومەكشىسى مىندەتىن اتقارۋشى فيليپ ريكەر.

ول بۇل پىكىرىن ازات ەۋروپا/ازاتتىق راديوسىنا بەرگەن سۇحباتىندا ايتتى.

ريكەر سۇحباتتا رەسەيدى «ۋكراينا شىعىسىندا سوعىس ءورتىن تۇتاتتى» دەپ كىنالاپ، ونىڭ ۋكرايناداعى «باسقىنشىلىق ارەكەتىن» سىنادى. مەملەكەتتىك حاتشىنىڭ كومەكشىسى ۋكراينا شىعىسىنداعى دونباستى «رەسەيدىڭ زياندى ىقپالىنا ۇشىراعان» ايماقتار قاتارىنا قوستى. ريكەر قارۋلى قاقتىعىس كەزىندە ايماقتا مىڭداعان ادام ولگەنىن ەسكە سالدى.

«ولار [كرەمل] مينسكى پروتسەسى اياسىندا قاقتىعىستى توقتاتۋ امالىن تابامىز دەگەن، بۇل مىندەتتى ورىندامادى. قاشان ورىندار ەكەن دەپ كۇتىپ ءجۇرمىز» دەدى ديپلومات.

ول «رەسەي ازاماتتارى دا، ۋكراينا ازاماتتارى دا رەسەي بيلىگىنىڭ ارەكەتتەرىنەن زيان شەگىپ وتىر» دەپ ەسەپتەيدى. «وسى سياقتى قاۋىپتى قيمىلدارىنا كۋا بولعىمىز كەلمەيدى» دەدى فيليپ ريكەر.

ۋكراينا شىعىسىنداعى سوعىستىڭ جالعاسىپ جاتقانىنا بەس جىل بولدى. كيەۆ پەن باتىس رەسەيدى سەپاراتيستەرگە دەم بەردى دەپ ايىپتايدى. ماسكەۋ قاقتىعىسقا تىكەلەي ارالاسىپ جاتقانىن جوققا شىعارادى.