يەسىنىڭ ىزىنەن ەرىپ جۇرەتىن شابادان جاساپ شىعارىلدى
جاڭا گادجەت يەسىنىڭ ارتىنان وزدىگىنەن ىلەسىپ جۇرە الادى. بۇدان بولەك قۇرىلعى باسقا دا قىزىقتى فۋنكتسيالارمەن جابدىقتالعان. شابادان ستاندارتتى شاباداندار سياقتى 31 ليتر سيىمدىلىققا يە. ءتوتر دوڭگەلەگى، تارتىپ شىعاراتىن تۇتقاسى بار. ولشەمى 555*384*200 م م، سالماعى 4,5 كەلى. شابادان تۇتقاسىنا كامەرا ورناتىلعان، يەسى وسى كامەراعا بەت- بەينەسىن سكانەرلەۋى ءلازىم. وسى ارقىلى گادجەت يەسىنىڭ ىزىنەن ەرىپ جۇرەدى جانە اراقاشىقتىقتى ساقتايدى. قۇرىلعى دوڭگەلەكتەرىندەگى 4 قوزعالقىش ارقىلى سىرعيدى. ول جول بەلگىلەرى مەن ادامداردى اينالىپ وتە الادى. شابادان 92 ۆ ت- ساعاتتىق اككۋمۋلياتورمەن قۋاتتالادى. كومپانيا وكىلدەرىنىڭ ايتۋىنشا، شابادان تولىق قۋاتپەن 20 شاقىرىم جەردى باسىپ وتە الادى. تولىق قۋاتتاۋ ۋاقىتى - 5 ساعات. گادجەتتى ءموبيلدى باعدارلاما ارقىلى دا باسقارۋعا بولادى. ونىڭ نارىقتاعى باعاسى - 280 دوللار.
Massaget.kz
