الجۋعا قاتىستى اشىق حات جازىلدى
قارتتارعا ءتان اۋرۋدى ەمدەيتىن ماماندار دەنساۋلىق ساقتاۋ مينيسترلىگىن اتالمىش دەرتتىك سالدارىمەن ەمەس، سەبەبىمەن كۇرەسۋگە، ياعني، الدىن الۋعا شاقىرعان.
ويتكەنى، ولاردىڭ ايتۋىنشا، اتالعان سىرقاتقا شالدىققاندار قاراسى جىلدان جىلعا كوبەيىپ كەلەدى. بۇل - ءبىر دەڭىز، ەكىنشىدەن، اتالعان دەرتتىڭ ناقتى ءبىر ەمى جوق.
سونداي-اق، اتالعان دەرتپەن كۇرەسۋدە، ياعني، الدىن الۋدىڭ ەڭ ماڭىزدى مۇمكىندىگىن ۋىستان شىعارىپ الاتىنىن جەتكىزگەن.
عالىمداردىڭ ەسەبىنشە، ەگەر اتالعان دەرتتىڭ الدىن الۋ ءۇشىن پارمەندى شارالار قابىلداپ، ونى جۇزەگە اسىرسا، 12 جىل ىشىندە پاتسيەنتتەردىڭ قاراسىن %20 عا دەيىن كەمىتۋگە قول جەتكىزىلمەك. ياعني، اتالعان دەرتكە شالدىعاتىن ناۋقاستاردىڭ قاراسىن جىلىنا 5000 ادامعا دەيىن ازايتۋعا بولادى.
بۇدان بولەك، جىل سايىن اتالمىش دەرت بويىنشا جۇمسالاتىن قاراجاتتى ەكى ميلليارد ەۋروعا دەيىن ۇنەمدەۋگە بولادى. سوڭعى 30 جىل ىشىندە الجۋعا قارسى ءدارى جاساۋعا ميللياردتاعان قارجى كەتىپ جاتىر.
قۇمعا سىڭگەن سۋداي ودان ناتيجە بولماي تۇر. سول سەبەپتى، پروفيلاكتيكادان وڭگە نەمەسە وزگە ءتيىمدى جولى بولماي تۇر. اتالمىش دەرتپەن كۇرەسۋدە. گوللانديادا دەمەنتسياعا قارسى مەملەكەت دەڭگەيىندە ۇلتتىق باعدارلاما قابىلدانعان بولاتىن. اتالمىش باعدارلامادا الجۋدىڭ الۋ، الىعانداردىڭ ازابىن جەڭىلدەتۋ، ت. ب. شارالار قامتىلعان.
وسىلاي دەي كەلە عالىمدار ەۋروپالىق شاعىن ەلدە - گوللانديانىڭ ءبىر وزىندە 2040 -جىلى جارتى ميلليون ادام، ياعني، 500000 ادام وسىناۋ دەرتكە شالدىعاتىنىن العا تارتىپ وتىر. وسىعان بايلانىستى بۇل دەرتكە قارسى كۇرەسكە بولىنەتىن قاراجاتتىڭ مولشەرى دە بىرنەشە اساتىن بولاتىن.
ناقتىراق ايتقاندا، جىلىنا 9 ميلليارد ەۋروعا جەتەدى. ەستەرىڭىزدە بولسا، دەمەنسيا تۋرالى كەزىندە ازدى- كوپتى ايتىپ وتكەنبىز. وسى ايتىلعاندارعا الىپ- قوسارىمىز ءارى بۇرىن دا ايتىپ كەتكەنىمىزدەي، ەلىمىزدە اتالمىش دەرتكە ءۇستىرت قاراۋ، ناقتى ستاتيستيكاسىنىڭ بولماۋى، الجۋدى تەك قارتتارعا ءتان اۋرۋ دەپ جاڭساق ويلاپ، بەلگىلى ءبىر تار اياداعى ستەوروتيپتەن ارىلماۋ، ت. ب. ءالى كۇنگە كەزدەسەدى.
الەم بويىنشا دەمەنسيانىڭ وسۋىنە ادامزات قاراسىنىڭ كوبەيۋى مەن حالىقتىڭ قارتايۋ پروتسەسى اسەر ەتۋدە. بۇلار تەك سىرتقى فاكتورلار عانا، شىندىعىندا، اتالمىش دەرتتىڭ تامىرى تەرەڭدە جاتىر. بۇل ءوز الدىنا ارنايى زەرتتەۋدى قاجەت ەتەتىن تاقىرىپ.
