16:06, 30 - قازان 2019 | GMT +6
عالامشاردىڭ ەڭ قارت تۇرعىنى - ەتنيكالىق قازاق تانزيلا بيسەمبەيەۆا ومىردەن وزدى
استراحان وبلىسى. قازاقپارات - ەڭ ۇزاق ءومىر سۇرگەن، ەتنيكالىق قازاق تانزيلا بيسەمبەيەۆانى تۋعان اۋىلى استراحان وبلىسى كراسنويار اۋدانى الچا كەنتىندە جەرلەدى. 2016 -جىلدان باستاپ ول رەسمي تۇردە عالامشاردىڭ ەڭ قارت تۇرعىنى اتاندى.
بۇل تۋرالى رەسەيدىڭ رەكوردتار كىتابىندا ايتىلعان، دەپ حابارلايدى قازاقپارات «روسسييسكايا گازەتا» باسىلىمىنا سىلتەمە جاساپ.
تانزيلا ناسيحان قىزى جارتى جىلدان كەيىن 125 جاسقا تولۋشى ەدى.
«ول ەش قينالماي ومىردەن وزدى. مارقۇمدى اقتىق ساپارعا شىعارىپ سالۋعا كەنتتىڭ بارلىق تۇرعىندارى كەلدى»، - دەپ حابارلادى كراسنويار اۋداندىق «رگ» باسشىسى نۇرعالي بايتەمىروۆ.
ەكى عاسىر بۇرىن دۇنيەگە كەلگەن تانزيلا بيسەمبەيەۆا ءبىرقاتار تاريحي وقيعالاردىڭ كۋاگەرى بولعان: ريەۆوليتسيانى، ەكىنشى دۇنيەجۇزىلىك سوعىستى، س س س ر- دىڭ قۇلاعانىن كوردى. ول وتباسىنداعى سەگىز بالانىڭ تۇڭعىشى ەدى. تانزيلا بيسەمبەيەۆانىڭ ءۇش ۇلى، ون نەمەرەسى، 25 شوبەرەسى جانە ەكى شوپشەگى بار.
