اسقار مامين ماسكەۋدە دميتري مەدۆەديەۆپەن كەلىسسوز وتكىزدى

ماسكەۋ. قازاقپارات - اسقار مامين ت م د جانە ە ا ە و وتىرىستارىنا قاتىسىپ، دميتري مەدۆەديەۆپەن كەلىسسوز وتكىزدى، دەپ حابارلايدى پرەمەر-ءمينيستردىڭ باسپا ءسوز قىزمەتى.

ق ر پرەمەر-ءمينيسترى اسقار مامين ماسكەۋگە ساپارى اياسىندا تاۋەلسىز مەملەكەتتەر دوستاستىعىنىڭ (ت م د) ۇكىمەت باسشىلارى كەڭەسىنىڭ (ۇ ب ك) جانە ەۋرازيالىق ۇكىمەتارالىق كەڭەستىڭ (ە ۇ ا ك) وتىرىستارىنا قاتىسىپ، وندا ت م د جانە ە ا ە و كەڭىستىگىندە ەكونوميكالىق ينتەگراتسياعا قاتىستى وزەكتى ماسەلەلەردى شەشۋ بويىنشا ءبىرقاتار باستامالاردى كوتەردى.

ت م د ۇ ب ك شاعىن قۇرامدا وتكەن وتىرىسىندا قازاقستان پرەمەر-ءمينيسترى دوستاستىق اياسىندا ساۋدا كووپەراتسياسىن ودان ءارى نىعايتۋ، «ءوسۋدىڭ جاڭا نۇكتەلەرىن» ىزدەۋ جانە ينۆەستيتسيالىق كاپيتالدى تارتۋ ماسەلەلەرىندە پرواكتيۆتى پوزيتسيانى قالىپتاستىرۋدىڭ قاجەتتىلىگىنە نازار اۋداردى.

ۇكىمەت باسشىسى الداعى ءۇش جىلعا ارنالعان ت م د ينۆەستيتسيالىق ستراتەگياسىن ازىرلەۋدى، وزىق تاجىريبەلەرمەن الماسۋ جانە قارجىلىق قىزمەتتەردى ءوزارا ۇسىنۋ جۇمىستارىن جانداندىرۋ ءۇشىن «استانا» حالىقارالىق قارجى ورتالىعىنىڭ (ا ح ق و) مۇمكىندىكتەرىن پايدالانۋدى ۇسىندى.

پرەمەر-مينيستر ت م د اياسىندا كورسەتىلەتىن قىزمەتتەردىڭ ەركىن ساۋداسى تۋرالى كەلىسىم جوباسىن كەلىسۋ جۇمىستارىن جەدەلدەتۋدىڭ ماڭىزدىلىعىن اتاپ ءوتتى، سونداي-اق ت م د ەلدەرىنىڭ ونەركاسىپتىك كووپەراتسياسىن دامىتۋدىڭ 2025-جىلعا دەيىنگى جاڭا باعدارلاماسىن ازىرلەۋ تۋرالى باستاما كوتەردى.

ت م د ۇ ب ك شاعىن جانە كەڭەيتىلگەن قۇرامدارداعى وتىرىستارىنىڭ قورىتىندىلارى بويىنشا ءبىرقاتار قۇجاتتار قابىلداندى، ونىڭ ىشىندە ت م د- عا مۇشە مەملەكەتتەردىڭ قوعامدى سيفرلىق دامىتۋ سالاسىنداعى ىنتىماقتاستىق تۇجىرىمداماسى جانە ونى ىسكە اسىرۋدىڭ ءبىرىنشى كەزەكتەگى ءىس-شارالار جوسپارى، ت م د- عا قاتىسۋشى مەملەكەتتەردىڭ اقپاراتتىق قاۋىپسىزدىگىن قامتاماسىز ەتۋ ستراتەگياسى جانە ت. ب. بار. دوستاستىققا ءتوراعالىق ەتۋ تۇرىكمەنستاننان وزبەكستانعا ءوتتى، ت م د ۇ ب ك كەزەكتى وتىرىسىن 2020-جىلعى مامىر ايىندا تاشكەنت قالاسىندا وتكىزۋ جوسپارلاندى.

ەۋرازيالىق ۇكىمەتارالىق كەڭەس (ە ۇ ا ك) وتىرىسىندا ق ر پرەمەر-ءمينيسترى ا. مامين ءوزارا ساۋدا-ساتتىقتى دامىتۋ جولىندا باسىمدىقتى مىندەت رەتىندە ەاەو ىشكى نارىعىنداعى اكىمشىلىك كەدەرگىلەردى كەشەندى تۇردە جويۋدى اتادى.

«بيزنەس بەتپە-بەت كەلىپ وتىرعان قولدانىستاعى كەدەرگىلەردى جويۋ ءتارتىبى ترانسپارەنتتىلىكتى جانە قابىلداناتىن شەشىمدەردىڭ تيىمدىلىگىن قامتاماسىز ەتۋگە مۇمكىندىك بەرمەيدى. وسىعان بايلانىستى تارتىپكە تۇزەتۋلەر ەۋرازيالىق ەكونوميكالىق كوميسسياعا (ە ە ك) جولداندى، بۇل تۇزەتۋلەر شەشىمدەردى ازىرلەۋ پروتسەسىن رەتتەۋگە جانە شاعىمداردى قاراستىرۋ مەرزىمىن قىسقارتۋعا مۇمكىندىك بەرەدى»، — دەدى ا. مامين.

قازاقستان پرەمەر-ءمينيسترى ە ا ە و- عا مۇشە مەملەكەتتەردىڭ ۇكىمەتتەرىن ەۋرازيالىق ەكونوميكالىق وداقتا تسيفرلىق ساۋدانى دامىتۋ ءۇشىن جاعدايلار جاساۋ بويىنشا ازىرلەنىپ جاتقان جول كارتاسى اياسىندا ءۇشىنشى ەلدەرگە تاۋارلار مەن قىزمەتتەر ەكسپورتىن ىنتالاندىرۋعا جانە تسيفرلىق ساۋدا ارنالارىن دامىتۋعا ەرەكشە كوڭىل بولۋگە شاقىردى.

ۇكىمەت باسشىسى ءۇشىنشى ەلدەردىڭ اۋىل شارۋاشىلىعى نارىقتارىنا شىعۋ بويىنشا بىرلەسكەن جۇمىستاردى جۇرگىزۋ قاجەتتىگىن اتاپ ءوتتى.

«ە ە ك- كە ءبىزدىڭ اۋىل شارۋاشىلىعى ونىمدەرىمىزدىڭ شەتەل نارىقتارىندا بولۋىنا تالداۋ جۇرگىزىپ، ءبىز باسەكەلەس بولىپ وتىرعان تاۋارلار ءتىزىمىن انىقتاپ، ەكسپورتتى ۇلعايتۋ ءۇشىن ناقتى شارالار ۇسىنۋدى تاپسىرۋدى ۇسىنامىن»، — دەدى پرەمەر-مينيستر.

ا. مامين ەاەو اياسىندا موبيلدى وپەراتورلاردىڭ روۋمينگىن كەزەڭ-كەزەڭمەن الىپ تاستاۋ بويىنشا بىرلەسكەن جوسپاردى ازىرلەپ، ىسكە اسىرۋدى ۇسىندى.

«ە ا ە و- عا مۇشە مەملەكەتتەردىڭ ءاربىر ازاماتى ەكونوميكالىق ينتەگراتسيانىڭ ناقتى پايداسىن سەزىنۋى ءتيىس. تەحنولوگيالار تۇرعىسىنان «وزىمىزگە» جانە «قوناقتارعا» قىزمەت كورسەتۋدە ەش ايىرماشىلىق جوق. ماسەلە زاڭنامالار مەن وپەراتورارالىق تاريفتەردىڭ ايىرماشىلىقتارىندا. ەۋروپالىق وداق روۋمينگتى الىپ تاستاۋعا 10 جىل بويى تىرىستى، سونىڭ ناتيجەسىندە 2017-جىلى ول الىنىپ تاستالدى»، — دەدى قازاقستان ۇكىمەتىنىڭ باسشىسى.

پرەمەر-مينيستر ومىرلىك ماڭىزى بار ءدارى-دارمەكتەر نارىقتارىندا باسەكەلى جاعدايلار جاساۋ بويىنشا ۇسىنىستار ازىرلەپ، وسى سالاداعى حالىقارالىق ەرەجەلەردى ەسكەرۋمەن قوسىمشا تەكسەرۋ راسىمدەرىن جۇرگىزبەي-اق، ءوزارا مويىنداۋ مۇمكىن بولاتىن پرەپاراتتار جەلىسىن ناقتىلاۋدى ۇسىندى.

ە ۇ ا ك وتىرىسىنىڭ قورىتىندىسى بويىنشا سەربيا رەسپۋبليكاسىمەن ەركىن ساۋدا ايماعى تۋرالى كەلىسىمگە، اۋىل شارۋاشىلىعىندا مالدارعا سەلەكتسيالىق- اسىل تۇقىمداندىرۋ جۇمىستارىن جۇرگىزۋدى بىرەگەيلەندىرۋگە باعىتتالعان شارالار تۋرالى كەلىسىمگە، باعالى مەتالدار جانە باعالى تاستارمەن وپەراتسيالار جۇرگىزۋدىڭ ەرەكشەلىكتەرى تۋرالى كەلىسىمگە جانە ءبىرقاتار باسقا قۇجاتتارعا قول قويىلدى.

سونىمەن قاتار، ساپار اياسىندا ق ر پرەمەر-ءمينيسترى ا. مامين ر ف ۇكىمەتىنىڭ ءتوراعاسى د. مەدۆەديەۆپەن ەكىجاقتى كەلىسسوزدەر وتكىزدى، ونىڭ بارىسىندا ساۋدا-ەكونوميكالىق ءوزارا ءىس-قيمىلدى، ترانزيتتىك-كولىك جانە ونەركاسىپتىك سالالارداعى ىنتىماقتاستىقتى ودان ءارى دامىتۋ ماسەلەلەرى تالقىلاندى.