قاسىم- جومارت توقايەۆ سينگاپۋردىڭ اعا مينيسترىمەن كەزدەستى
كەزدەسۋ بارىسىندا تاراپتار قازاقستان مەن سينگاپۋر اراسىنداعى قازىرگى جاعدايدى جانە ساياسي، ساۋدا- ەكونوميكالىق سالالار بويىنشا پەرسپەكتيۆالىق جوبالاردى، سونىمەن قاتار، سيفرلاندىرۋعا قاتىستى بىرلەسكەن ءىس- قيمىل ماسەلەلەرىن تالقىلادى.
ەكى ەل اراسىندا دوستىق قارىم- قاتىناس ورناعانىن ايتقان قاسىم- جومارت توقايەۆ قازان ايىندا ەريەۆاندا وتكەن ج ە ە و سامميتىندە سينگاپۋر پرەمەر- ءمينيسترى لي شيان لۋنمەن كەلەلى كەلىسسوز جاساعانىن جەتكىزدى. سونداي- اق مەملەكەت باسشىسى سينگاپۋر پرەزيدەنتى حاليما ياكوبكە ءوزىنىڭ سالەمىن جەتكىزۋدى ءوتىندى.
- مەن سينگاپۋر پرەزيدەنتىن بۇرىننان تانيمىن. ەكەۋمىز دە ءوز ەلدەرىمىزدىڭ پارلامەنتتەرىندە سپيكەر قىزمەتىن اتقاردىق. مەن ونىڭ مەملەكەت باسشىسى بولعانىنا وتە قۋانىشتىمىن، - دەدى قاسىم- جومارت توقايەۆ.
ءوز كەزەگىندە تەو چي حين قاسىم- جومارت توقايەۆقا سينگاپۋر پرەزيدەنتى مەن پرەمەر- ءمينيسترىنىڭ اقجارما تىلەگىن جەتكىزدى. سونىمەن قاتار ەكى ەل اراسىنداعى بايلانىستاردى ودان ءارى نىعايتا بەرۋگە نيەتتى ەكەنىن اتاپ ايتتى.