تىكەلەي حالىقارالىق اۋە رەيستەرىنىڭ سانىن ارتتىرۋ قاجەت - توقايەۆ
بۇل تۋرالى نۇر-سۇلتان اكىمدىگىندە وتكەن قالانى ودان ارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«حالىقارالىق اۋە قاتىناستارى سانىن ارتتىرۋ ماڭىزدى ماسەلە سانالادى. قازىرگى ۋاقىتتا نۇر-سۇلتاننان حالىقارالىق باعىتتا 30 دان از تىكەلەي رەيس ورىندالادى. بۇل - جەتكىلىكسىز»، - دەدى مەملەكەت باسشىسى.
قازاقستان پرەزيدەنتىنىڭ ايتۋىنشا، ەلوردا ءوزىن حالىقارالىق ورتالىق رەتىندە كورسەتىپ وتىر.
«ونداي بولۋ ءۇشىن الەمنىڭ جەتەكشى قالالارىمەن جانە حالىقارالىق قارجى ورتالىقتارىمەن ەلوردانى تىكەلەي رەيستەر ارقىلى بايلانىستىرۋ ماڭىزدى. اۋەنى اشۋ قاجەت. بۇل - مەنىڭ ۇكىمەتكە تاپسىرمام. ءتىپتى، ول ەڭ تانىمال، ەڭ بەدەلدى كومپانيا بولسا دا بەتىنەن قاقپاۋ كەرەك. قورقاتىن دانەڭە دە جوق. اۋەنى اشۋ كەرەك»، - دەدى ق. توقايەۆ.
