20:33, 07 - قازان 2019 | GMT +5
قاسىم- جومارت توقايەۆ ۆلاديمير پۋتيندى تۋعان كۇنىمەن قۇتتىقتادى
نۇر- سۇلتان. قازاقپارات - قاسىم- جومارت توقايەۆ ۆلاديمير پۋتينمەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.
مەملەكەت باسشىسى قاسىم- جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتيندى تۋعان كۇنىمەن قۇتتىقتاپ، زور دەنساۋلىق، باق- بەرەكە جانە رەسەي حالقىنىڭ يگىلىگى جولىنداعى ەڭبەگىنە تابىس تىلەدى.
ۆلاديمير پۋتين قاسىم- جومارت توقايەۆقا قۇتتىقتاعانى ءۇشىن ريزاشىلىق ءبىلدىرىپ، دوستىق پەن تاتۋ كورشىلىكتىڭ بەرىك قارىم- قاتىناسىنا قۇرىلعان قازاقستان مەن رەسەي اراسىنداعى ىنتىماقتاستىقتىڭ جوعارى دەڭگەيدە ەكەنىن اتاپ ءوتتى.
ەكى ەلدىڭ باسشىلارى الداعى جۇمىس كەستەسىن اقىلداستى. ونىڭ ىشىندە، بيىلعى 6-7 - قاراشا كۇندەرى ومبى قالاسىندا وتەتىن قازاقستان مەن رەسەي ىنتىماقتاستىعىنىڭ XVI ايماق ارالىق فورۋمىنا دايىندىق بارىسىن تالقىلادى.
