ەستە ساقتاۋدى جاقسارتۋعا ارنالعان جاتتىعۋلار
ميدى نە ءۇشىن جاتتىقتىرۋ كەرەك جانە ەستە ساقتاۋدى جاقسارتاتىن قانداي جاتتىعۋلار ءتيىمدى؟ جاس ۇلعايا كەلە ەستە ساقتاۋ ناشارلاي تۇسەدى. ونىڭ نەگىزگى سەبەپتەرى مىناداي:
- ۋاقىت وتە ميدا جانە جۇيكە جۇيەسىندە جۇيكە جاسۋشالارىنىڭ مولشەرى ازايا بەرەدى، ولاردىڭ اراسىنداعى بايلانىس السىرەيدى، سونىڭ سەبەبىنەن اتروفيا (سەمۋ) دامي باستايدى؛
- ميداعى كەي بولىكتەر اراسىنداعى بايلانىس ۇزىلەدى. اعزاعا ولاردى ءبىر- بىرىمەن ۇيلەستىرۋ قيىنعا سوعادى؛
- قان تامىرلار قينالادى: ولاردىڭ قابىرعالارى قاتتى بولا تۇسەدى جانە ولار يىلگىشتىگىن جوعالتادى. ول سكلەروزعا اكەلەدى. ەگەر جۇيەلى تۇردە ميدى جاتتىقتىرسا، جاڭا نەيروندىق بايلانىستار سانى ارتا تۇسەدى. ەستە ساقتاۋدى جاقسارتاتىن قانداي جاتتىعۋلار بار؟ ەستە ساقتاۋدىڭ قاي ءتۇرىن جاتتىقتىرعىڭىز كەلسە دە، كەز كەلگەن زياتكەرلىك كۇش سالۋ مي بەلسەندىلىگىن ارتتىرادى. ەڭ قاراپايىم جاتتىعۋلارعا مىنالار جاتادى:
- ويمەن ساناۋ. اۋىزشا ساناۋ قىسقا مەرزىمدى ەستە ساقتاۋدى جاتتىقتىرادى.
- 100 دەن 1 گە دەيىن كەيىن قاراي ساناۋ. ول جاڭا اقپاراتتى جاتتاۋعا جاۋاپ بەرەتىن جۇمىس جادىن دامىتادى.
- «سوزدەر» ويىنىن ويناۋ. قانداي دا ءبىر ءسوزدىڭ سوڭعى ارپىنەن باستالاتىن ءسوز ويلاپ تاۋىپ، ويىندى جالعاستىرۋ كەرەك. سول كەزدە مي جۇيكە جاسۋشالارىنىڭ اراسىنداعى «ۇمىتىلىپ» قالعان بايلانىستاردى ىسكە قوسادى.
- تۇستەرگە ءمان بەرۋ. كۇنى بويى تەك ءبىر ءتۇستى زاتتاردى بايقايتىنداي ەتىپ وزىڭىزگە تاپسىرما بەرىڭىز. كەلەسى كۇنى باسقا ءتۇستى تاڭداڭىز. سول كەزدە زەيىن قويۋ قابىلەتىڭىزدى جاتتىقتىراسىز.
- شەت ءتىلىن ۇيرەنۋ. عالىمدار بىرنەشە ءتىل بىلەتىن ادامدار السگەيمەر سەكىلدى اۋرۋلارمەن سيرەك اۋىراتىنىن انىقتاعان.
- كىتاپ وقۋ. كۇنىنە ءبىر ساعاتتان از ەمەس ۋاقىتتى كىتاپ وقۋعا ارناڭىز: ول كەزدە ميدا جاسۋشالار اراسىنداعى جاڭا بايلانىستار اۋماعى تۇزىلە باستايدى.
- سپورتپەن شۇعىلدانۋ. جاي ءجۇرىستىڭ ءوزى مي ناشارلاۋىن توقتاتۋعا كومەكتەسەدى. عالىمدار، سپورتشىلاردىڭ مي كولەمى باسقالارعا قاراعاندا باياۋ كىشىرەيەتىنىن انىقتاعان.
Massaget.kz
