اتاۋلى الەۋمەتتىك كومەك ەلىمىزدەگى كەدەيشىلىككە قاتىستى شىنايى جاعدايدى اشىپ بەردى - نۇرىمبەتوۆ

نۇر- سۇلتان. قازاقپارات - اتاۋلى الەۋمەتتىك كومەك تاعايىنداۋ ەلىمىزدەگى كەدەيشىلىككە قاتىستى شىنايى جاعدايدى اشىپ بەردى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.

باسپاءسوز ءماسليحاتى بارىسىندا ب ا ق وكىلدەرى مينيستردەن: «بيىل تابىسى كۇنكورىس دەڭگەيىنەن تومەن حالىقتىڭ ۇلەسى 4,3 پايىز بولدى. 5 جىل بۇرىن بۇل كورسەتكىش بار بولعانى 2,9 پايىز ەدى. بۇل حالىقتىڭ ءال- اۋقاتىنىڭ تومەندەگەنىن كورسەتپەي مە؟ تابىستى ادەيى جاسىرۋ ستاتيستيكاعا قانشالىقتى اسەر ەتەدى؟»، - دەپ سۇراعان ەدى.

ساۋالعا جاۋاپ بەرگەن ءبىرجان نۇرىمبەتوۆ رەسمي مەملەكەتتىك ستاتيستيكانىڭ ەلىمىزدەگى كەدەيشىلىك دەڭگەيىن بەلگىلەيتىن ءتارتىبى بار ەكەنىن ايتتى.

«بۇل ستاتيستيكا تابىسى كۇنكورىس شەگىنەن تومەن ازاماتتاردى سانايدى. سول ستاتيستيكانىڭ ءبىرىنشى جارتىجىلدىقتاعى قورىتىندىسىنا سايكەس، ەلىمىزدەگى حالىقتىڭ 4,3 پايىزىنىڭ ءال- اۋقاتى كەدەيشىلىك شەگىنەن تومەن. بۇگىنگى تاڭدا 306 مىڭ وتباسى نەمەسە 1 ميلليون 600 مىڭ ادامعا ااك تاعايىندالدى. بۇل - 9 پايىز، ايىرماشىلىق بار»، - دەدى ول.

ءمينيستردىڭ ايتۋىنشا، مۇنداي دەرەكتىڭ قالىپتاسۋىنا ازاماتتاردىڭ اتاۋلى الەۋمەتتىك كومەك الۋ ءۇشىن تابىسىن جاسىرىپ، جالعان اقپارات بەرۋى دە سەبەپ بولىپ وتىر.

«ەكىنشىدەن، ستاتيستيكا ورگاندارى ەڭ تومەنگى كۇنكورىس دەڭگەيىن ءار وڭىردە بولەك سانايدى. ال وتكەن توعىز ايدا اتاۋلى الەۋمەتتىك كومەك بۇكىل قازاقستاندا رەسپۋبليكالىق كورسەتكىش ارقىلى تاعايىندالعان. ول جوعارى. جالپى، ستاتيستيكا كوميتەتىنىڭ ەسەبى ساۋالناما ارقىلى جاسالادى. 12 مىڭعا جۋىق ۇيدەن سۇراپ شىعادى دا، سونىڭ نەگىزىندە جاسايدى. سوندىقتان ەكى ەسەپتىڭ اراسىندا كىشكەنە ايىرماشىلىق بار. اتاۋلى الەۋمەتتىك كومەكتى تاعايىنداۋ بارىسىندا بىزگە ناقتى ادامدار كەلەدى. بۇل ەلىمىزدەگى كەدەيشىلىككە قاتىستى شىنايى جاعدايدى اشىپ بەردى»، - دەدى ءبىرجان نۇرىمبەتوۆ.