ەندى از قامتىلعان كوپبالالى وتباسىلارعا الەۋمەتتىك كومەك قالاي تاعايىندالادى

نۇر- سۇلتان. قازاقپارات - از قامتىلعان كوپبالالى وتباسىلارعا الەۋمەتتىك كومەكتىڭ ءۇش ءتۇرى كورسەتىلەدى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.

«جاڭا اتاۋلى الەۋمەتتىك كومەك وتباسىلىق كىرىسكە قاراماستان بارلىق كوپبالالى، ياعني 4 جانە ودان دا كوپ كامەلەت جاسىنا تولماعان، ورتا ارناۋلى نەمەسە جوعارى وقى ورىندارىندا ءبىلىم الىپ جاتقان جاسى 23 كە تولماعان بالالارى بار انالارعا بەرىلەدى. ەگەر بۇل وتباسى تابىسى بويىنشا از قامتىلعان وتباسى ساناتىنا جاتاتىن بولسا، وندا بۇل وتباسىعا جاڭا جاردەماقىدان بولەك اتاۋلى الەۋمەتتىك كومەك بەرىلەدى. بۇعان قوسا، كەپىلدىكتى الەۋمەتتىك توپتاما ۇسىنىلادى. سوندىقتان از قامتىلعان، كوپبالالى وتباسى بولسا، مەن اتاپ وتكەن كومەكتىڭ بارلىق ءۇش ءتۇرىن الادى» ، - دەدى مينيستر.

سونىمەن قاتار ول مۇدەگەك بالاسى بار وتباسىلارعا قامقور بولۋ - مينيسترلىكتىڭ ەڭ باستى ماقساتتارىنىڭ ءبىرى ەكەندىگىنە نازار اۋدارتتى.

«مامىر ايىندا 2025 -جىلعا دەيىن مۇگەدەكتەر قۇقىعىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار قابىلداندى. اتالعان جوسپاردىڭ اياسىندا وتە كوپ جۇمىس جۇرگىزىلىپ جاتىر» ، - دەدى ول.

ونىڭ اتاپ وتۋىنشە، ۇلتتىق جوسپار اياسىندا مۇگەدەكتىگى بار ادامداردى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ كوزدەلگەن.

«16 جاسقا دەيىنگى مۇگەدەك بالالارعا شىلدە ايىندا مولشەرى ۇلعايعان جاردەماقى بار. قازىرگى ۋاقىتتا ول 42500 تەڭگەنى قۇرايدى. ال 16 دان 18 جاسقا دەيىنگى مۇگەدەك جاسوسپىرىمدەر دە 35 مىڭنان 57 مىڭ تەڭگەگە دەيىن جاردەماقى الادى. مۇنان بولەك، زاڭنامادا 18 جاسقا دەيىن مۇدەگەك بالانى جانە 18 جاستان اسقان 1 توپتاعى مۇگەدەكتى تاربيەلەيتىن اتا- اناسى دا، قامقورشىسى دا مەملەكەتتەن 41500 تەڭگە مولشەرىندە جاردەماقى الادى. ەڭ باستىسى - وتباسىنىڭ از قامتىلعانىن انىقتاۋ بارىسىندا مۇدەگەك بالالارعا تولەنەتىن جاردەماقىلار وتباسى تابىسىنىڭ قۇرامىندا ەسەپكە الىنبايدى» ، - دەدى ب. نۇرىمبەتوۆ.