10:08, 07 - قازان 2019 | GMT +5
فۋتبول فاناتتارى «اتىراۋ» - «قايسار» ماتچىندا توبەلەس شىعاردى
نۇر-سۇلتان. قازاقپارات - كەشە نۇر-سۇلتانداعى «استانا ارەنا» ستاديونىندا وتكەن «اتىراۋ» جانە «قايسار» كوماندالارى اراسىنداعى قازاقستان كۋبوگىنىڭ ماتچى ورتاسىنان ءۇزىلىپ قالا جازدادى.
بۇل تۋرالى قازاقپارات نۇر-سۇلتان قالاسىنىڭ پوليتسيا دەپارتامەنتىنە سىلتەمە جاساپ حابارلايدى.
«6 -قازان كۇنى فۋتبولدان «استانا ارەنا» ستاديونىندا وتكەن «اتىراۋ» - «قايسار» ماتچىن كەيبىر قىزۋقاندى فاناتتار توقتاتىپ تاستاماق بولدى. پوليتسيا قىزمەتكەرلەرىنىڭ ارالاسۋىمەن داۋلى وقيعا توقتاتىلدى»، - دەلىنگەن حابارلامادا.
پوليتسيا دەپارتامەنتى قالا تۇرعىندارى مەن قوناقتاردى مادەني جانە سپورت شارالارى كەزىندە قوعامدىق ءتارتىپتى بۇزباۋعا، ارانداتۋعا بەرىلمەۋگە شاقىرادى. پوليتسەيلەر قۇقىق بۇزعاندار زاڭعا سايكەس جاۋاپقا تارتىلاتىنىن ەسكەرتتى.
ەسكە سالساق، قازاقستان كۋبوگىنىڭ فينالى ءوتىپ، «قايسار» چەمپيون اتانعانى تۋرالى حابارلاعان بولاتىنبىز.
