08:40, 07 - قازان 2019 | GMT +5
قازاقستاننان التىن وردا داۋىرىنە تيەسىلى مازار ءۇيىندىسى تابىلدى
نۇر-سۇلتان. قازاقپارات - «ارحەولوگتار قازاقستاننىڭ پاۆلودار وبلىسىنداعى ەكىباستۇز قالاسىنان 60 ك م جەردەگى اۋليەكولدە التىن وردا داۋىرىنە تيەسىلى مازار ءۇيىندىسىن تاپتى»، دەپ جازادى Panorama.
«عالىمداردىڭ ايتۋىنشا، مازاردا التىن وردا كەزەڭىنىڭ جوعارى تاپ وكىلى جەرلەنگەن. سونداي- اق كوك ءتۇستى اشەكەيى بار كۇمبەز بۇل جەردە 500-600 جىل بۇرىن كاسىبي ارحيتەكتورلاردىڭ، قۇرىلىسشىلار مەن دەكوراتسيا ماماندارى بولعانىن دالەلدەيدى»، - دەپ جازادى اۆتور.
مامانداردىڭ ايتۋىنشا، مازار بيىكتىگى 20 مەتر بولعان جانە كەيبىر جەرلەردە قىزىق بەلگىلەر بار.
«بۇل بەلگىلەر شەبەرلەردىڭ نەمەسە ءدىني بەلگىلەر بولۋى مۇمكىن. ارحەولوگتار بۇل بەلگىلەردى زەرتتەيتىن بولادى. ولار XIV عاسىردا كوشپەندىلەر اراسىندا يسلامدى تاراتۋشىلارمەن بايلانىستى بولۋى مۇمكىن»، دەپ جازادى باسىلىم.
