الماتىدا ت م د ەلدەرىنىڭ قاۋىپسىزدىگى ماسەلەسى تالقىلاندى
ارمەنيا، بەلارۋس، قازاقستان، قىرعىزستان، رەسەي، تاجىكستان ەلدەرى قارۋلى كۇشتەرىنىڭ دەلاگاتسياسى مەن تمد قورعانىس مينيسترلىگى كەڭەسىنىڭ حاتشىلىعى زاماناۋي جاعدايلارداعى رحب قاۋىپسىزدىگىنىڭ باستى قاۋىپتەرىن تالقىلادى. ودان باسقا، ت م د- نىڭ بىرىكتىرىلگەن رادياتسيالىق، حيميالىق جانە بيولوگيالىق احۋالدارى دامۋىنىڭ باستى باعىتتارى انىقتالدى جانە ءوزارا ءىس- قيمىل جوسپارى ناقتىلاندى.
كەزدەسۋدى قورىتىندىلاي كەلە، ت م د ەلدەرى قارۋلى كۇشتەرىنىڭ رادياتسيالىق، حيميالىق جانە بيولوگيالىق قاۋىپسىزدىگىنە باعىتتالعان كەلىسسوز تابىستى ءوتتى.
رادياتسيالىق، حيميالىق جانە بيولوگيالىق قورعانىس باسشىلارىنىڭ ۇيلەستىرۋشى كوميتەتى 2008 -جىلى قاراشادا قۇرىلدى. جيىن جىل سايىن الىپپەدەگى كەزەك رەتتىلىگىمەن ءاربىر مەملەكەت قاتىسۋشىلارى وتكىزەدى. وتكەن جىلى تالقىلاۋ مينسك قالاسىندا بولدى.
ۇيلەستىرۋشى كوميتەت كەلىسىمشارتتاعى قاتىسۋشى مەملەكەتتەردىڭ اۋماعىندا رادياتسيالىق، حيميالىق جانە بيولوگيالىق احۋالعا كۇندەلىكتى باقىلاۋ جۇرگىزۋدى، وزگە مەملەكەتتەردىڭ ايماعىندا احۋالدىڭ وزگەرۋى جانە راديواكتيۆتى زاتتاردىڭ، ۋلى حيميكاتتار مەن بيولوگيالىق قۇرالداردىڭ تارالۋىنداعى قاۋىپتىلىك تۋرالى اقپاراتتاردى اتالعان مەملەكەتتەردىڭ اسكەري باسقارۋ ورگاندارىنا ۋاقىتىلى جەتكىزۋ سىندى ءبىرقاتار مىندەتتەردى اتقارادى.
بۇدان باسقا، كوميتەت اسكەرلەردىڭ جاۋىنگەرلىك دايىندىعىن جوعارىلاتۋدى، اقپارات الماسۋدىڭ نىساندارى مەن ادىستەرىنە ءبىرىڭعاي تاسىلدەردى ازىرلەۋمەن اينالىسادى. جەدەل ەسەپتەردى جۇرگىزۋ ادىستەرىن، سونداي- اق بىرىككەن جۇيەنىڭ جۇمىس ىستەۋىنىڭ نورماتيۆتىك قۇقىقتىق بازاسىن جەتىلدىرۋدى ورىندايدى.
اتالمىش كوميتەت قۇرامىنا كىرەتىن مەملەكەتتەرمەن تۇراقتى نەگىزدە ت م د- نىڭ جاعدايىندا رادياتسيالىق، حيميالىق جانە بيولوگيالىق بىرىككەن جۇيەسى اسكەرلەرىنىڭ ءوزارا ءىس- قيمىلدارىن پىسىقتايتىن بىرلەسكەن جاتتىعۋلار مەن جيىندار جۇرگىزىلەتىنىن ايتا كەتكەن ءجون.
