ە ا ە و ەلدەرى جالپى ىشكى نارىقتاعى كەدەرگىلەردى جويۋى قاجەت - توقايەۆ
بۇل تۋرالى ق ر پرەزيدەنتى قاسىم-جومارت توقايەۆ ەرەۆاندا ءوتىپ جاتقان جوعارى ەۋرازيالىق ەكونوميكالىق كەڭەستىڭ وتىرىسىندا ايتتى، دەپ حابارلايدى قازاقپارات ءتىلشىسى.
«ءبىزدىڭ مەملەكەتتەر جالپى ىشكى نارىقتاعى كەدەرگىلەردى جويۋى ءتيىس. بۇل ماسەلەنى ءبىز ءبىر ەمەس، بىرنەشە رەت تالقىلاپ، بۇگىنگى وتىرىستىڭ دا ەداۋىر بولىگىن وسى سۇراقتارعا ارناعالى وتىرمىز. ءبىز ەركىن ساۋدا اينالىمى ءۇشىن قاجەتتى نورماتيۆتى بازانى جاسادىق. بۇل - جەتىستىك. الايدا ءىس جۇزىنە كەلگەندە ۇلتتىق نارىقتاردا جەكە جاعدايلاردا ءوزىنىڭ تاۋار وندىرۋشىلەرىن قورعاۋ تالاپ- تىلەگى - ينتەگراتسيانىڭ ماقساتى مەن مىندەتتەردەن ماڭىزدى سيپاتقا يە بولىپ كەتىپ جاتادى. ءارتۇرلى ساراپتامالار، ايماقتىق دەڭگەيدەگى قوسىمشا تالاپتار، جاسىرىن نۇسقاۋلار بەرۋ ماسەلەسى بار»، - دەدى قاسىم-جومارت توقايەۆ جيىندا.
پرەزيدەنتتىڭ ايتۋىنشا، مۇنداي شەكتەۋلەردىڭ ەنگىزىلۋىنىڭ باق كوزدەرىندە جاريالانۋى جاعدايدى ءتىپتى ۋشىقتىرىپ بارا جاتىر.
«وسىلايشا، ينتەگراتسياعا جەتكىلىكتى دارەجەدە سەنىم بىلدىرىلمەي كەلەدى. مۇنداي تاجىريبە ەشكىمنىڭ وڭ جامباسىنا كەلمەيتىنىنە، ءبىزدىڭ ينتەگراتسياعا قايشى كەلەتىنىنە كەلىسەتىن بولارسىزدار. كوميسسيا ۇلتتىق زاڭنامالارعا مونيتورينگ جۇرگىزۋ قۇرالدارىن كۇشەيتىپ، اقپاراتتاندىرۋدىڭ ءتيىمدى مەحانيزمىن ازىرلەپ، ە ا ە و ىشىندە قولدانىستاعى قۇقىقتى دۇرىس ءتۇسىندىرۋى ءتيىس»، - دەدى قازاقستان پرەزيدەنتى.
ايتا كەتسەك، قازاقستان پرەزيدەنتى قاسىم-جومارت توقايەۆ قاتىسقان جوعارى ەۋرازيالىق ەكونوميكالىق كەڭەستىڭ وتىرىسى «حابار 24» ارناسىندا تىكەلەي ەفيردە كورسەتىلدى.
ارمەنيا استاناسىندا جوعارى ەكونوميكالىق كەڭەستىڭ وتىرىسى ءوتىپ جاتىر. ءىس-شاراعا قازاقستان پرەزيدەنتى قاسىم-جومارت توقايەۆ، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ، رەسەي فەدەراتسياسىنىڭ پرەزيدەنتى ۆلاديمير پۋتين، ارمەنيانىڭ پرەمەر-ءمينيسترى نيكولاي پاشينيان جانە ەۋرازيالىق ەكونوميكالىق كوميسسيا القاسىنىڭ ءتوراعاسى تيگران ساركيسيان قاتىسۋدا.
