ق ر ەلشىسى موڭعوليا پرەزيدەنتىنە سەنىم گراموتالارىن تابىستادى

ۇلانباتىر. قازاقپارات - قازاقستان رەسپۋبليكاسىنىڭ موڭعولياداعى ەلشىسى جالعاس ادىلبايەۆتى سەنىم گراموتالارىن تابىستاۋ ءۇشىن موڭعوليانىڭ پرەزيدەنتى حالتمااگين باتتۋلگا قابىلدادى، دەپ حابارلايدى قازاقپارات.

«كەزدەسۋ بارىسىندا موڭعوليانىڭ باسشىسى قازاق-موڭعول ەلدەرى اراسىندا قالىپتاسقان دوستىق قارىم-قاتىناستار مەن ءوزارا سەنىم احۋالىن، سونداي-اق وڭىرلىك جانە جاھاندىق كۇن تارتىبىندەگى نەگىزگى ماسەلەلەر بويىنشا ەكى مەملەكەتتىڭ ىنتىماقتاستىعىن اتاپ ءوتتى»، - دەلىنگەن ق ر ەلشىلىگى تاراتقان حابارلامادا.

بۇدان بولەك، ساۋدا-ەكونوميكالىق ىنتىماقتاستىق، كولىكتىك-لوگيستيكالىق، اۋىل شارۋاشىلىعى جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ وزەكتى ماسەلەلەرى، سونداي-اق اسا جوعارى جانە جوعارى دەڭگەيدەگى بولاشاقتاعى ءوزارا ساپارلار تالقىلاندى.

كەزدەسۋ سوڭىندا ح. باتتۋلگا ەلشىگە قازاقستان-موڭعوليا ىنتىماقتاستىعىن نىعايتۋ ءۇشىن تابىستى جۇمىس جانە جەمىستى ەڭبەك تىلەدى.