ءدىنتانۋشى عالىم ءدىني سەنىمگە قاۋىپ نەدەن ەكەنىن ايتتى
ساراپشىنىڭ ايتۋىنشا، قوعامدا بولىپ جاتقان ءدىني ماسەلەلەر وسى قاراپايىم نارسەدەن باستالۋدا.
«ءتىپتى، جاڭادان ءوسىپ كەلە جاتقان بالانىڭ دا ءدىني ساۋاتى وتباسىنان اشىلارى ءسوزسىز. وتباسىندا ءدىن تۋرالى اڭگىمەلەسپەيتىن ادامدار ءدىني ساۋاتىن سىرتتان جينايدى.
سوقىر سەنىم ادامداردىن اقىلىن تۇمشالاپ اداسۋىنا اكەپ سوعۋدا. سيرياعا كەتكەن قانداستارىمىزدىڭ جاعدايى - سونىڭ ءبىر كورىنىسى. ءدىن وتە ءبىر نازىك تاقىرىپ بولعاندىقتان وعان ءۇستىرت قاراۋعا بولمايدى. قازاق جاستارى جاپپاي دىنگە بەت بۇرعانى قۋانتارلىق نارسە، الايدا جاستارىمىزدىڭ ءدىندى دۇرىس تۇسىنە الماۋى جانە سوقىر سەنىمگە ەرۋى كوپتەگەن قيىنشىلىقتار تۋدىرۋدا»، دەدى سۇلتان ءابدىراحمانوۆ.
ونىڭ ايتۋىنشا، قىلمىستىق ىستەردىڭ دەنى اتىراۋ، الماتى، اقتوبە، وڭتۇستىك قازاقستان، پاۆلودار وبلىستارىندا قارالعان. بۇل ازاماتتاردىڭ بارلىعى قاراپايىم وتباسىلاردا تاربيەلەنگەن.
«سوقىر سەنىمگە ادامدار قالاي ۇرىنادى؟ قازىرگى ۋاقىتتا استارلى تۇردە اقپاراتتىق شايقاستار جۇرۋدە. ءاربىر ادام قاي جەردە بولسادا ءار ءتۇرلى اقپاراتتارعا قول جەتكىزە الادى. اقپاراتتاردى سول قالپىندا قابىلداي بەرۋ، ەش وي ەلەگىنەن وتكىزبەۋ سالدارىنان ادامدار الدانىپ، اداسىپ جاتىر.
«ناعىز سوقىر كوكىرەك كوزى سوقىر ادام» دەمەكشى، ايتىلعان اقپاراتتاردى وي سۇزگىسىنەن وتكىزۋ - ءاربىر كوكىرەك كوزى وياۋ ادامنىڭ مىندەتى. سوقىر سەنىم سالدارىنان قانشاما وتباسىنىڭ شاڭىراعى شايقالدى. ادامداردىڭ ءومىرى كەيبىر يدەولوگيالاردىڭ قۋىرشاعىنا اينالدى»، - دەدى سۇلتان ءابدىراحمانوۆ.
ونىڭ پىكىرىنشە، جالپى قازاقستاندا بولىپ جاتقان ءدىني ماسەلەنىڭ كوپشىلىگى ءدىني ساۋاتسىزدىق پەن سوقىر سەنىمگە تىكەلەي قاتىستى.
«قازاقستاننىڭ كەز-كەلگەن ازاماتى ۇلت قاۋىپسىزدىگى مەن ەل تىنىشتىعى ماقساتىندا اباي ايتقانداي اقىرىن ءجۇرىپ اڭىق باسسا قۇبا قۇپ»، - دەدى ول.
اۆتور: گۇلميرا عوسمانالي
