لەيلا اليەۆا ازەربايجاندا قازاقستاننىڭ ادەبيەت جانە مادەنيەت ورتالىعىن اشتى
حالىقارالىق جوبانىڭ ماقساتى - قازاقستان حالقىنىڭ تاريحى مەن مادەنيەتى، سالت-داستۇرلەرى، ەكونوميكا، ساياسات، الەۋمەتتىك سالاداعى جەتىستىكتەرى، كلاسسيكالىق جانە قازىرگى زامانعى پروزا مەن پوەزيانىڭ ادەبي قورى جايلى ءبىلىم تاراتۋ.
ورتالىقتىڭ اشىلۋ سالتاناتىنا گ. اليەۆ اتىنداعى قوردىڭ ۆيتسە-پرەزيدەنتى لەيلا اليەۆا، ازەربايجاننىڭ مادەنيەت ءمينيسترى ابۋلفاس گارايەۆ، تۇركسويدىڭ باس حاتشىسى دۇيسەن قاسەينوۆ، قازاقستاننىڭ ازەربايجانداعى ۋاقىتشا سەنىمدى وكىلى دارحان كوشەربايەۆ، م. احۋندوۆ اتىنداعى ۇلتتىق كىتاپحانانىڭ ديرەكتورى كەرىم تاحيروۆ، قازاقستان ۇلتتىق اكادەميالىق كىتاپحاناسى باسشىسىنىڭ ورىنباسارى ءاليا قوجابەكوۆا، ازەربايجاندا تىركەلگەن ديپلوماتيالىق ميسسيالاردىڭ وكىلدەرى، شەتەلدىك كىتاپحانالاردىڭ باسشىلارى، مادەنيەت قايراتكەرلەرى مەن ب ا ق وكىلدەرى قاتىستى.
ورتالىقتا ەلباسى نۇرسۇلتان نازاربايەۆتىڭ قىزمەتى، ونىڭ حالىقارالىق ساياسي ارەناداعى ءرولى تۋرالى كىتاپتارى، سونىمەن قاتار بەلگىلى قازاقستاندىق اۆتورلاردىڭ قازاق، ورىس جانە اعىلشىن تىلدەرىندەگى جۇمىستارى قويىلدى. كىتاپحاناعا بارلىعى 200 دەن استام كىتاپ سىيعا تارتىلدى. بۇل كىتاپتار وقىرمانداردىڭ قىزىعۋشىلىعىن ارتتىرىپ، قازاق حالقىنىڭ مادەني قۇندىلىقتارىمەن جاقىنىراق تانىسۋعا مۇمكىندىك بەرەدى.
ايتا كەتەرلىگى، 2016-جىلدان باستاپ ق ر مادەنيەت جانە سپورت مينيسترلىگىنىڭ قولداۋىمەن نۇر-سۇلتانداعى ق ر ۇلتتىق اكادەميالىق كىتاپحاناسى ق ر سىرتقى ىستەر مينيسترلىگى مەن ەلشىلىكتەرىمەن بىرلەسىپ، شەت ەلدەردىڭ ۇلتتىق جانە باسقا دا ءىرى كىتاپحانالارىندا قازاق ادەبيەتى مەن مادەنيەتى ورتالىقتارىن اشۋ جونىندەگى حالىقارالىق جوبانى جۇزەگە اسىرىپ كەلەدى.
بۇگىنگى تاڭدا قازاق ادەبيەتى مەن مادەنيەتى ورتالىقتارى الەمنىڭ 32 كىتاپحاناسىندا اشىلعان. ياعني، وڭتۇستىك كورەيا، قىرعىز رەسپۋبليكاسى، فينليانديا، ۆەنگريا، رەسەي، ارمەنيا، مالايزيا، تۇركيا، قىتاي، گرۋزيا، فرانسيا، جاپونيا، شۆەتسيا، ماكەدونيا، بولگاريا، چەحيا، يتاليا، ا ق ش (كونگرەسس كىتاپحاناسى جانە نيۋ-يورك كوپشىلىك كىتاپحاناسى)، رۋمىنيا، يران، برازيليا، ۋدمۋرتيا، گەرمانيا جانە تاعى باسقا ەلدەردە قازاق ادەبيەتى مەن مادەنيەتى ورتالىقتارى جۇمىس ىستەپ تۇر.
