بەيجىڭدە قازاق سۋرەتشىلەرىنىڭ تۋىندىلارى تانىستىرىلدى
شارا قىتاي استاناسىندا وسى اپتادا اياقتالدى، دەپ حابارلايدى قازاقپاراتتىڭ مەنشىكتى ءتىلشىسى.
ولاردىڭ اراسىندا تانىمال قازاقستاندىق سۋرەتشى ارانشا شارجانوۆتىڭ «Spring» كارتيناسى بار. سونداي-اق، جاس قازاقستاندىق سۋرەتشىلەر: تاتىبايەۆا گۇلمارال («Aigolek»)، جانىبەك ساۋلەت («Traffic Regulations») جانە اسەمقۇل بەيبىت («Graphic Brothers») ءوز جۇمىستارىن ۇسىندى.
بيىلعى بيەننالەنىڭ ۇرانى - «كوپ ءتۇستى الەم مەن بىرلەسكەن بولاشاق» بولدى. كورمەگە 113 ەلدەن 595 سۋرەتشىنىڭ 640 تۋىندىسى قويىلدى. شاڭحاي ىنتىماقتاستىق ۇيىمىنا مۇشە ەلدەردەن كەلگەن شەبەرلەردىڭ جۇمىستارىنا ارنالىپ العاش رەت جەكە ەكسپوزيتسيا ۇيىمداستىرىلدى. وندا ا. شارجانوۆتىڭ «Spring» كارتيناسى جۇرتشىلىق نازارىنا ۇسىنىلدى.
بيەننالە ۇيىمداستىرۋشىلارىنىڭ ايتۋىنشا، سۋرەتشىلەردىڭ تاقىرىپتارى تابيعاتقا، ومىرگە جانە ادامزاتتىڭ جالپى تاعدىرىنا ارنالعان. كورمە قىتايدىڭ ۇلتتىق كوركەم مۋزەيىندە («مەيشۋگۋان» گالەرەياسىندا) ءوتتى.
اۆتور: رۋسلان سۇلەيمەنوۆ
