ديماشتىڭ ەسىمى قازاقستاندىق وقۋلىققا ەندى

نۇر- سۇلتان. قازاقپارات - ديماش قۇدايبەرگەن قازاقستاننىڭ مەكتەپ باعدارلاماسىنا ەنگىزىلدى.

 تانىمال انشىگە قاتىستى مالىمەتتەر جازىلعان تاپسىرما 10-سىنىپ وقۋشىلارىنا ارنالعان قازاق ءتىلى وقۋلىعىندا پايدا بولدى. مۇعالىمدەر بۇل فاكتىنىڭ ءوزىن قۋانتقانىن ايتادى.

 «قاتتى قۋاندىم، كوپ ۋاقىتتان بەرى زاماناۋي تۇلعانى مىسال رەتىندە العىمىز كەلىپ جۇرگەن ەدى. ديماش ءبىزدىڭ بالالارىمىزدىڭ، وسكەلەڭ ۇرپاقتىڭ كۋميرى» ، - دەدى نۇر- سۇلتان قالاسىنداعى №30 مەكتەپ- گيمنازياسىنىڭ قازاق ءتىلى ءپانى ءمۇعالىمى اسىل ءابىلدينوۆا.

 سونداي- اق، وسى مەكتەپتىڭ وقۋشىسى بەحرۋز حۋدايبەرگەنوۆ ديماشقا ۇقساعىسى كەلىپ جۇرگەنىن جاسىرمادى.

 «مەنىڭ دە ەسىمىم كىتاپتا جازىلعانىن قالايمىن. ول كوپ ادام ءۇشىن ۇلگى دەپ ويلايمىن. بارلىعى سول كىسى سياقتى بولسىن» ، - دەدى ول.

 ەستەرىڭىزگە سالا كەتسەك، وسى ۋاقىتقا دەيىن 25 جاستاعى ديماش قۇدايبەرگەننىڭ ەسىمى قىتاي وقۋلىقتارىندا جۇرگەنى تۋرالى حابارلاعان ەدىك. سونداي- اق، ونىڭ قۇرمەتىنە ۇشاقتى اتاعان ەدى.