مەملەكەت باسشىسى قازاقستاننىڭ ب ۇ ۇ بىتىمگەرلىك ىسىنە قوسقان ۇلەسى تۋرالى ايتىپ بەردى
ب ۇ ۇ قاۋىپسىزدىك كەڭەسىنىڭ ۋاقىتشا مۇشەسى رەتىندە قازاقستان قاۋىپسىزدىكتى كۇشەيتۋ، يادرولىق قارۋلاردىڭ تارالماۋى مەن ايماقتىق ىنتىماقتاستىق باعىتتارىنا باسىمدىق بەرىپ، ەلىمىزدىڭ بەيبىتشىلىككە شاقىرىپ وتىرعانىن اتاپ وتكەن بولاتىن. بۇل سوزدەردى مەملەكەت باسشىسى نيۋ-يوركتە وتكەن ب ۇ ۇ باس اسسامبلەياسىنىڭ 74-سەسسياسىندا ايتتى.
قازاقستان پرەزيدەنتى بۇل سالاداعى ەلىمىزدىڭ جەتىستىكتەرىن ءتىزىپ بەردى.
ماسەلەن، قازاقستان قازىرگى ۋاقىتتا ءۇندىستاندىق ارىپتەستەرىمەن بىرگە ليۆاندا ب ۇ ۇ- نىڭ ۋاقىتشا وتريادتارىن قۇرۋ ارقىلى بىتىمگەرلىك سالاسىنا ءوز ۇلەسىن قوسىپ كەلەدى.
«وركەنيەتتەر مەن دىندەردىڭ جاھاندىق ورتالىعىنا اينالعان قازاقستانىمىزبەن ماقتانامىز. 2003-جىلدان بەرى قازاقستان بىرىككەن ۇلتتار ۇيىمىنىڭ قولداۋىمەن الەمدىك جانە ءداستۇرلى ءدىن كوشباسشىلارىنىڭ سەزىن ءۇش جىل سايىن وتكىزىپ كەلەدى»، - دەدى مەملەكەت باسشىسى.
ەسكە سالا كەتسەك، بۇعان دەيىن قازاقستان پرەزيدەنتى قاسىم-جومارت توقايەۆ نيۋ-يوركتە وتكەن ب ۇ ۇ باس اسسامبلەياسىنىڭ جالپى دەباتتارىندا ءسوز سويلەگەنىن حابارلاعان بولاتىنبىز.
ب ۇ ۇ باس اسسامبلەياسى اياسىندا قاسىم-جومارت توقايەۆ بولگاريا پرەزيدەنتى رۋمەن راديەۆپەن، پولشا پرەزيدەنتى اندجەي دۋدامەن، گرۋزيا پرەزيدەنتى سالومە زۋرابيشۆيليمەن، ۋكراينا پرەزيدەنتى ۆلاديمير زەلەنسكيمەن كەزدەستى.
