09:45, 25 - قىركۇيەك 2019 | GMT +6
ق ر پرەزيدەنتى ۋكراينا پرەزيدەنتى زەلەنسكيمەن كەزدەستى
نيۋ-يورك. قازاقپارات – ق ر پرەزيدەنتى قاسىم-جومارت توقايەۆ ۋكراينا پرەزيدەنتى ۆلاديمير زەلەنسكيمەن كەزدەستى، دەپ حابارلايدى اقوردا.
كەزدەسۋ بارىسىندا قاسىم-جومارت توقايەۆ پەن ۆلاديمير زەلەنسكي ءبىرىن-ءبىرى ءوز مەملەكەتتەرىندەگى ەڭ جوعارعى لاۋزىمعا سايلانۋلارىمەن قۇتتىقتادى.
مەملەكەت باسشىسى ەكى ەل اراسىنداعى تاريحي تامىرلاستىق پەن ورتاق بولاشاق جايىن اتاپ ءوتتى. قاسىم-جومارت توقايەۆ ۋكراينامەن اراداعى ساياسي جانە ساۋدا-ەكونوميكالىق ىنتىماقتاستىقتى ودان ءارى دامىتۋعا دايىن ەكەنىن، ول ءۇشىن الەۋەتتەرىنىڭ زور ەكەنىن ايتتى.
كەزدەسۋ سوڭىندا قاسىم-جومارت توقايەۆ پەن ۆلاديمير زەلەنسكي ءبىر-ءبىرىن ءوز مەملەكەتتەرىنە شاقىردى.
