ب ۇ ۇ باس اسسامبلەياسىنان نە كۇتۋگە بولادى
جىل سايىن وتكىزىلەتىن ب ۇ ۇ باس اسسامبلەياسى ءبىرقاتار داعدارىستاردى تالقىلايدى.
«193 مەملەكەتتى قامتىعان باس اسسامبلەياسىنىڭ 74 -سەسسياسىنىڭ كۇن تارتىبىنە ساۋدا سوعىسى، ميگراتسيا، ەنەرگيامەن قامتۋ، كليماتتىڭ وزگەرۋى جانە كەدەيلىكتەن قۇتىلۋ ماسەلەلەرى تالقىلانادى»، دەيدى باسىلىم. اۆتوردىڭ ايتۋىنشا، ب ۇ ۇ-نىڭ باس حاتشىسىنىڭ ساياسي ماسەلەلەر بويىنشا بۇرىنعى ورىنباسارى دجەففەري فەلتمان كوپشىلىك ا ق ش ساياساتىنىڭ قانداي بولاتىنىن بىلگىسى كەلەتىنىن ايتقان.
«جيىنعا قىتاي، رەسەي، ۆەنەسۋەلا پرەزيدەنتتەرى، يزرايل پرەمەر-ءمينيسترى كەلمەيدى. ماڭىزدى كەزدەسۋلەر اپتانىڭ باسىندا وتەدى دەپ جوسپارلانعان. سەيسەنبى كۇنى ا ق ش پرەزيدەنتى دونالد ترامپ برازيليا پرەزيدەنتى جاير بولسونارۋمەن كەزدەسەدى. ال جيىندا دونالد ترامپتان كەيىن ەگيپەت پرەزيدەنتى ابدەل فاتتاح اس-سيسي، تۇركيا پرەزيدەنتى رەجەپ تايىپ ەردوعان ءسوز سويلەيدى.
سونىمەن قاتار امەريكانىڭ رەسمي وكىلدەرى ساۋد ارابياسىنداعى مۇناي ورىندارىنداعى جارىلىستى يران جاساعانىنا دالەلدەر كەلتىرەدى دەپ كۇتىلۋدە»، دەپ جازادى باسىلىم. اۆتوردىڭ ايتۋىنشا، دۇيسەنبى كۇنگى وتىرىس كليمات داعدارىسىنا ارنالادى جانە بۇل جيىنعا 60 ەلدىڭ مەملەكەت باسشىلارى قاتىسادى.
ب ۇ ۇ باس اسسامبلەياسىندا سونداي-اق ا ق ش پەن قىتايدىڭ ساۋدا سوعىسى ماسەلەسى كوتەرىلەدى دەپ كۇتىلۋدە.
سونىمەن قاتار، ا ق ش پەن تۇركيا پرەزيدەنتتەرى كەزدەسۋى مۇمكىن.
