نيۋ-يوركتە قازاقستاننىڭ ب ۇ ۇ- مەن ىنتىماقتاستىعى ماسەلەلەرى تالقىلاندى
باس حاتشىنىڭ ورىنباسارى قازاقستانعا تەڭىزگە شىعا المايتىن دامۋشى ەلدەر توبى اياسىنداعى رەسپۋبليكامىزدىڭ بەلسەندى قىزمەتى ءۇشىن العىس ءبىلدىردى.
سىرتقى ساياسي ۆەدومستۆوسىنىڭ باسشىسى ب ۇ ۇ وكىلىن تەڭىزگە شىعا المايتىن دامۋشى ەلدەر توبىندا 2020-جىلعى 1- قاڭتاردا باستالاتىن الداعى ءتوراعالىق ەتۋ اياسىنداعى قازاقستاننىڭ جۇمىس باسىمدىقتارى تۋرالى حاباردار ەتتى. تەڭىزگە شىعا المايتىن ەڭ ءىرى مەملەكەت رەتىندە ءبىزدىڭ ەلىمىز ورنىقتى دامۋ ماقساتتارىنا قول جەتكىزۋ ءۇشىن وسى توپتا كوشباسشى بولۋعا نيەتتى.
تاراپتار قازاقستان باستاماشىلىق جاساعان تەڭىزگە شىعا المايتىن دامۋشى ەلدەر ءۇشىن 2004-2014-جىلدارعا ارنالعان الماتى ءىس-قيمىل باعدارلاماسى جانە 2014-2024-جىلدارعا ارنالعان ۆەنا ءىس-قيمىل باعدارلاماسىنىڭ حالىقارالىق ىنتىماقتاستىققا ەلەۋلى ۇلەسىن اتاپ ءوتتى.
قازاقستان س ءى م باسشىسى م. تىلەۋبەردى ب ۇ ۇ باس حاتشىسىنىڭ ورىنباسارى - لاڭكەستىككە قارسى باسقارماسىنىڭ باسشىسى (ل ق ب) ۆلاديمير ۆورونكوۆپەن كەلىسسوزدەر وتكىزدى.
مينيستر سۇحباتتاسىن قازاقستاننىڭ تەرروريزمگە قارسى ءىس-قيمىلدارىمەن تانىستىردى. قازاقستان تاراپى ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ باستاماسىمەن تەرروريزمنەن ازات الەمگە قول جەتكىزۋ ءۇشىن مىنەز-قۇلىق كودەكسىن العا جىلجىتقانى ءۇشىن ل ق ب- نىڭ كورسەتكەن قولداۋىنا ريزاشىلىعىن ءبىلدىردى. بۇگىنگى تاڭدا كودەكسكە 84 مەملەكەت قوسىلدى جانە قازاقستان ونى امبەباپتاندىرۋ جونىندەگى جۇمىستى جالعاستىرادى.
ب ۇ ۇ وكىلى قازاقستاننىڭ قاۋىپسىزدىك پەن تۇراقتى دامۋدى قامتاماسىز ەتۋدەگى كۇش-جىگەرىن جوعارى باعالادى، سونداي-اق ل ق ب- مەن بەلسەندى ىنتىماقتاستىعى ءۇشىن العىسىن ءبىلدىردى. ق ر ازاماتتارىن قاقتىعىستار ايماقتاردان قايتارعان «جۋسان» وپەراتسياسىن وتكىزۋ بويىنشا جەمىستى جۇمىس اتالىپ ءوتتى، بۇل الەمنىڭ كوپتەگەن ەلدەرى ءۇشىن ۇلگى بولا الادى.
تاراپتار بۇۇ قامقورلىعىمەن جوعارىدا اتالعان وپەراتسيا تۋرالى دەرەكتى فيلم ءتۇسىرۋ جانە لاڭكەستىككە قارسى كۇرەسكە ەلدەردى شاقىراتىن ارنايى PR- كامپانيانى ىسكە اسىرۋ تۋرالى ۋاعدالاستىققا قول جەتكىزدى.
