ب ۇ ۇ باس اسسامبلەياسى: گەرمانيا كانسلەرى عالامدىق جىلىنۋمەن بىرلەسىپ كۇرەسۋگە شاقىردى

نيۋ-يورك. قازاقپارات - گەرمانيانىڭ كانسلەرى انگەلا مەركەل عالامدىق جىلىنۋ پروبلەماسىمەن بىرلەسىپ كۇرەسۋگە شاقىردى.

ول بۇل تۋرالى ب ۇ ۇ باس اسسامبلەياسىنىڭ 74-سەسسياسىندا ايتتى، دەپ حابارلايدى قازاقپاراتتىڭ ارناۋلى ءتىلشىسى.

«كليماتتىڭ وزگەرۋى، عالامدىق جىلىنۋ ءسوزسىز ادامداردىڭ ارەكەتتەرىمەن بايلانىستى. سوندىقتان دا عالامداردىڭ سوزدەرىنە قۇلاق اسۋ قاجەت. باستى مىندەت - ماسەلەنى بىرلەسىپ، بىرگە شەشۋ ويتكەنى بارلىعىمىزدىڭ جالعىز پلانەتادا تۇرامىز. ءبىز كليمات ماسەلەلەرى جونىندەگى پاريج كەلىسىمىن ورىنداپ، سوعان قاراي باعدارلانۋىمىز كەرەك»، - دەدى انگەلا مەركەل.

ونىڭ سوزىنە قاراعاندا، عالامدىق جىلىنۋعا ونەركاسىپتىك ەلدەر ءوزىنىڭ اسەرىن تيگىزسە، كوپ جاعدايدا دامۋشى ەلدەر زارداپ شەگىپ وتىر.

«سوندىقتان دا ءبىز ونەركاسىپتىك دامىعان ەلدەردىڭ وكىلى رەتىندە بارلىق قولدا بار قارجى مەن ءبىلىمىمىزدى، زاماناۋي تەحولوگيا قولدانا وتىرىپ، پلانەتاداعى اۋا تەمپەراتۋراسىنىڭ جوعارلاۋىن باسەڭدەتۋگە مىندەتتىمىز. ءبىز وسى باعىتتاعى قاراجات كولەمىن 2 دەن 4 ميلليارد ەۆروعا دەيىن ۇلعايتامىز. 1,5 ميلليارد ەۆرو «جاسىل» كليماتتىق قورىنا تۇسەدى. سونداي-اق، بىزدە كليماتتىق ماسەلەلەردى ساقتاندىرۋ باعىتتارىندا جۇمىستار، ورمان القاپتارىن قورعاۋ بويىنشا شارالار جاسالۋدا. گەرمانيا الەم حالقىنىڭ %1 جانە زياندى شىعارىندىلاردىڭ %2 قۇرايدى. ءبىز 2030 -جىلعا قاراي كومىرقىشقىل گازى شىعارىندىلارىن %55، ال 2050 -جىلعا قاراي كومىرتەك نەيترالى جاعدايىنا كوشۋدى قامتاماسىز ەتەمىز»، - دەپ تۇيىندەدى ا. مەركەل.

ەسكە سالساق، مەملەكەت باسشىسى قاسىم-جومارت توقايەۆ امەريكا قۇراما شتاتتارىندا جۇمىس ساپارىمەن ءجۇر.