قىتايدىڭ ەڭ باي ادامى توقايەۆقا نەگە تاڭعالدى؟
قىتايلىق ميللياردەرمەن اڭگىمە قاسىم-جومارت توقايەۆتىڭ ق ح ر-عا مەملەكەتتىك ساپارى كەزىندە جازىلعان. جەك ما قازاقستان پرەزيدەنتىمەن كەزدەسۋى جايلى اڭگىمەلەدى.
سۇحبات «بارىس پەن ايداھاردىڭ ستراتەگياسى: ءوزارا سىيلاستىق جانە ماڭگىلىك ارىپتەستىك» دەرەكتى فيلمىنە ەندى.
«قازاقستان پرەزيدەنتى قاسىم-جومارت توقايەۆپەن تاڭعالارلىقتاي كەزدەسۋ بولدى. ول مىقتى كوشباسشى جانە ول وتە قاتتى شابىتتاندىرادى. ونىڭ ءوز ەلىنە دەگەن قۇمارلىعى ماعان قاتتى اسەر ەتتى... بۇل تاماشا كەزدەسۋ بولدى»، - دەدى جەك ما.
ميللياردەردىڭ ايتۋىنشا، ول قازاقستاندا 3-4 رەت بولعان. «ءار بارعانىمدا بىرنەشە جاعداي تاڭعالدىردى. بۇل سۇلۋلىق، ۇلى ادامدار، سىزدەردىڭ ەلدىڭ باتىرلارى، سونداي-اق ەڭبەكسۇيگىش حالىقتارىڭىز. قازاقستانعا بارعان سايىن كوپتەگەن قىزىقتى ورىنداردا بولامىن... مەن سىزدەردىڭ ەلدى جاقسى كورەمىن، ونىڭ مادەنيەتىن جاقسى كورەمىن جانە جاڭا دوستار تابۋدى ۇناتامىن. سىزدەردە گەننادي گولوۆكين سياقتى باتىر بار! سىزدەردىڭ حالىق وتە قوناقجاي».
ەستەرىڭىزگە سالا كەتەيىك، جەك ما ءوزىنىڭ 55 جىلدىق مەرەيتويىندا رەسمي تۇردە Alibaba ديرەكتورلار كەڭەسىنىڭ ءتوراعاسى قىزمەتىنەن كەتكەن ەدى. وتستاۆكاعا كەتكەننەن كەيىن پرەزيدەنت تەلەراديوكەشەنىنە سۇحبات بەرگەن ول حاڭجوۋ قالاسىنداعى ستاديوندا ۇلكەن مەرەكە ۇيىمداستىردى.
Tengrinews.kz
