11:27, 15 - قىركۇيەك 2019 | GMT +6
باۋىرجان بايبەك الماتىنىڭ قۇرمەتتى ازاماتى بولدى
الماتى. قازاقپارات - «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك الماتىنىڭ قۇرمەتتى ازاماتى بولدى، دەپ حابارلايدى «قازاقپارات» ح ا ا ءتىلشىسى.
ءىرى مەگاپوليستىڭ بۇرىنعى اكىمىنە ايتۋلى ناگرادانى قالا كۇنىن تويلاۋ سالتاناتىندا قالا اكىمى باقىتجان ساعىنتايەۆ تابىس ەتتى. بيىل وڭتۇستىك استانانىڭ قۇرمەتتى ازاماتى اتانعانداردىڭ اراسىندا جازۋشى ءابدىجامىل نۇرپەيىسوۆ، تەاتر جانە كينو اكتەرى يۋري پومەرانتسيەۆ، اقىن ءارى جازۋشى ولجاس سۇلەيمەنوۆ سىندى ادەبيەت پەن مادەنيەت قايراتكەرلەرى، سونداي- اق مەديتسينا سالاسىنا ەڭبەك سىڭىرگەن تۇلعالار بار. بۇدان بولەك، قوعام دامۋىنا سۇبەلى ۇلەس قوسقان بەلگىلى تۇلعالار، جوو رەكتورلارى، قوعام قايراتكەرلەرى «ەڭبەك ءۇشىن» توسبەلگىسىمەن ماراپاتتالدى.
