دينوزاۆرلاردى جويعان استەرويدتىڭ كۇشتىلىگى قانداي بولعان؟

نۇر- سۇلتان. قازاقپارات -  عالىمدار دينوزاۆرلاردىڭ جەر بەتىنەن جويىلىپ كەتۋىنە سەبەپ بولعان استەرويد تۋرالى جاڭا دەرەكتەر انىقتالدى.

 تەحاس ۋنيۆەرسيتەتى عالىمدارىنىڭ بۇل زەرتتەۋى 2016 -جىلى مەكسيكادا تابىلعان استەرويد قالدىقتارىنان كەيىن باستالدى. مەكسيكانىڭ يۋكاتان جارتىلاي ارالىنىڭ جاعالاۋىندا چيكسۋلۋب كراتەرىندە استەرويد قالدىقتارى انىقتالعان بولاتىن. كراتەردىڭ ديامەترى 180 مەتردى قۇراسا، تەرەڭدى 20 مەتر. بۇل اۋماققا وسىدان شامامەن 65 ميلليون جىل بۇرىن 10 شاقىرىمدى قۇرايتىن استەرويد قۇلاعان. عالىمداردىڭ ايتۋىنشا، استەرويدتىڭ كۇشتىلىگى كىنشى دۇنيەجۇزىلىك سوعىس كەزىندە قولدانىستا بولعان اتوم بومباسىنىڭ 10 ميلليون داناسىنىڭ قۋاتتىلىعىنا تەڭ. استەرويد جەرگە سوقتىعىسقانننان سوڭ 325 ميلليارد توننا كۇكىرت اۋاعا تارالعان. سالدارىنان جەر بەتىندەگى تىرشىلىكتىڭ 75 پايىزى جويىلعان.

ساراپتاما ناتيجەسىندە مىناداي دەرەكتەر بەلگىلى بولدى. الپاۋىت استەرويد جەر بەتىنە قۇلاعاننان سوڭ كراتەردە 130 مەترلىك بولاتىن تاۋ جىنىسى بالقىعان. ارتىنشا ون شاقتى مەتردى قۇرايتىن سۋنامي كوتەرىلىپ، تولقىن جولىنداعىنىڭ ءبارىن جالماپ كەتكەن. ناتيجەسىندە اتموسفەراعا ۇلكەن كۇيىك بۇلتى ءتۇزىلىپ، كۇننىڭ ساۋلەسىن جاۋىپ قالعان. وسىنىڭ سالدارىنان جەر بەتىندە جارتى جىلعا سوزىلعان قاراڭعىلىق بولىپ، قىشقىل جاۋىن- شاشىن جاۋعان. عالىمداردىڭ پىكىرىنشە، كليماتتىڭ وزگەرۋى دينوزاۆرلاردىڭ جەر بەتىنەن جويۋىلۋىنا سەبەپ بولدى. 

Massaget.kz