نۇر- سۇلتاندا گاز تاراتۋ جەلىلەرىنىڭ قۇرىلىسى باستالدى

نۇر- سۇلتان. قازاقپارات - نۇر- سۇلتان قالاسىندا كوگىلدىر وتىن شىعاراتىن گاز تاراتۋ جەلىلەرىنىڭ قۇرىلىسى باستالدى.

گاز قۇبىرىنىڭ نەگىزگى ماگيسترالدارى جىل سوڭىنا دەيىن جۇرگىزىلەدى، دەپ حابارلايدى قازاقپارات اكىمدىكتىڭ Instagram پراقشاسىنا سىلتەمە جاساپ.

«تۇڭعىش پرەزيدەنت- ەلباسى نۇرسۇلتان نازاربايەۆ ەلوردانى گازداندىرۋدى تاپسىردى. بۇگىن جەلى قۇرىلىسى باستالدى. جوبانىڭ ىسكە اسىرىلۋ مەرزىمى دە، ساپاسى دا قاتاڭ باقىلاۋدا بولادى. كەلەسى جىلۋ بەرۋ ماۋسىمى باستالعانعا دەيىن ادامدار گازدى ۇيگە وتكىزىپ ۇلگەرۋى ءۇشىن، جوبانىڭ ءبىرىنشى كەزەڭىن 2020 -جىلدىڭ جازىندا اياقتاۋ كەرەك. تەحنيكالىق قاداعالاۋ توسەمنىڭ تەرەڭدىگىن، جىلۋ وقشاۋلاۋ نورمالارىن، گاز قۇبىرلارىنىڭ تۇيىسۋلەرىن جانە ورىندالاتىن جۇمىستىڭ ساپاسىن زەردەلەۋگە ءتيىس . مەرزىمى بويىنشا تەزدەتۋ كەرەك» ، - دەدى ا. كولگىنوۆ.

جوبانىڭ ءبىرىنشى كەزەگى جەو-1,2,3, كوكتال-1,2, جەلەزنودوروجنىي كەنتى، وڭتۇستىك- شىعىس (وڭ جانە سول) دەيىن گاز تاراتۋ جەلىلەرىنە وتىن بەرۋدى كوزدەيدى. 1 كەزەڭ اياقتالعان سوڭ 13,5 مىڭ ءۇيدىڭ تۇرعىندارى گازعا قول جەتكىزە الادى.

جوبانىڭ ەكىنشى كەزەگى- ميچۋرينو، ينتەرناتسيونالنىي، كۇيگەنجار (1-2 پك) ، تەلمان (3 پ ك) ، پريگورودنىي، Garden Village, Family Village (4 پك) تۇرعىن الاپتارى.

⠀ءۇشىنشى كەزەكتە يلينكا (1-2- د ك) ، شۇبار (3- د ك) ، ءوندىرىس (4- د ك) تۇرعىن الاپتارى گازداندىرىلادى.

⠀جوبالاۋشىلاردىڭ ايتۋىنشا، گاز تاراتۋ جەلىلەرى كوشە جەلىسى بويىنشا جۇرگىزىلەتىن بولادى، ەسەپتەۋىشتەر قاراستىرىلعان. جەكە سەكتور تۇرعىندارى گازدى تىكەلەي كوشە جەلىسىنەن ۇيلەرىنە قوسادى.

⠀گاز وتكىزۋ اتموسفەراداعى زياندى قالدىقتاردى 6 ەسەگە، قاتتى زاتتاردى 35 مىڭ تونناعا ازايتۋعا مۇمكىندىك بەرەدى.