قىتايدا ادام مەن مايمىل بۋدانداستىرىلدى

نۇر-سۇلتان. قازاقپارات - راس، بۇل بۋداندا تۋىلمايدى، ەمبريوندار ەكى اپتانىڭ ءساتتى دامۋىنان كەيىن جويىلدى.

قىتايدا يسپان عالىمدارى مايمىلدىڭ گەنەتيكالىق تۇرلەندىرىلگەن ۇرىعىن الىپ وعان ادام جاسۋشالارىن ەنگىزگەن. بۇل ادام مۇشەلەرىن جانۋارلاردىڭ اعزاسىندا ءوسىرۋ مۇمكىندىگىن زەرتتەۋ ءۇشىن جاسالعان. زەرتتەۋشىلەر ەمبريوننىڭ دامۋىن ەكى اپتا بويى باقىلاعان.

بۇل مانيپۋلياتسيالار جانۋارلاردىڭ دەنەسىندە ادام اعزالارىن ءوسىرۋ مۇمكىندىكتەرىن زەرتتەۋ ءۇشىن قاجەت بولعاندىعى ايتىلادى.

قانداي مايمىل قولدانىلعان بيوماتەريال كورسەتىلمەگەن.

حۋان كارلوس يزپيسۋا باستاعان زەرتتەۋشىلەر ەمبريونداردىڭ دامۋىن 14 كۇن بويى باقىلاپ، سودان كەيىن ولاردى جويىپ جىبەردى، ويتكەنى بۇل حالىقارالىق عىلىمي قاۋىمداستىقتىڭ تالابى. ەكى اپتادان كەيىن ادام ەمبريونىندا جۇيكە جۇيەسىنىڭ دامۋى اياقتالادى، سوندىقتان ەتيكالىق سەبەپتەرگە بايلانىستى ولار بۇعان جول بەرمەۋگە شەشىم قابىلدادى.

عالىمدار مايمىل ەمبريونىمەن جۇرگىزىلگەن ەكسپەريمەنت جانۋارلاردى ادام اعزالارىن ترانسپلانتاتسيالاۋ زاۋىتتارىنا اينالدىرۋ جولىنداعى ماڭىزدى قادام بولدى دەيدى.

ايتا كەتۋ كەرەك، يسپاندىق ساراپشىلار بۇل زەرتتەۋدى انىقتاۋ ءۇشىن قىتايعا بارعان، ويتكەنى قىتايدا ونداي تاجىريبەلەرگە سالىستىرمالى تۇردە رۇقسات بار.  مىسالى، ەۋروپادا مۇنداي زەرتتەۋلەر قاتاڭ شەكتەلگەن، ال ا ق ش-تا ولاردى قارجىلاندىرۋعا تىيىم سالىنادى. جاقىندا جاپونيادا ادام كلەتكالارى بار جانۋار ەمبريوندارىن جاساۋعا ارنالعان «رۇقسات» بەرىلگەنىن دە اتاپ وتەمىز. ءومىر بۇرىن جازعانداي، ولار ادام مەن تىشقاننىڭ بۋدانىن قۇرۋدى ۇيعاردى.

دەرەككوز reactor. inform.kz