پرەزيدەنت توقايەۆتىڭ قىتايشاسى تاڭعالدىردى: قىتاي اقپارات قۇرالدارىنا شولۋ
قىتاي حالىق رەسپۋبليكاسىنىڭ قۇرىلعانىنا 70 جىل تولۋىنا وراي ق ح ر ءتوراعاسى شي جينپيننىڭ شاقىرۋىمەن ۇيىمداستىرىلعان بۇل ساپاردىڭ بارىسى مەن ناتيجەلەرى تۋرالى قىتايدىڭ بۇقارالىق اقپارات قۇرالدارى دا كەڭىنەن اقپارات تاراتتى. «قازاقپارات» ح ا ا قازاقستان پرەزيدەنتىنىڭ وسى ساپارى تۋرالى كورشى ەلدىڭ ب ا ق- نا شولۋ جاساعان ەدى.
ايتا كەتەرلىگى، ساپار قارساڭىندا، ناقتىراق ايتقاندا 9 - قىركۇيەكتە قىتايدىڭ ءىرى تەلەكورپوراتسياسى CCTV جاڭالىقتار باعدارلاماسىندا توقايەۆتىڭ CCTV ءتىلشىسى شۋي جۋن يمەن سۇحباتىنىڭ ۆيدەوسى جاريالانعان ەدى .
وسى سۇحبات جايىندا قىتايلىق guancha.cn ۆەب- سايتى: «توقايەۆ كۇتپەگەن جەردەن قىتاي تىلىندە سۇحبات بەردى» دەپ جازدى.
ال مەملەكەتتىك ساپار تۋرالى جازعان اقپارات اگەنتتىكتەرى پرەزيدەنت توقايەۆتىڭ مارشرۋتىن ماڭىزدى دەپ جوعارى باعالادى. سونىڭ ىشىندە قىتايدىڭ ەڭ ءىرى مەملەكەتتىك اقپارات اگەنتتىگى «شينحۋا» قازاقستان پرەزيدەنتىنىڭ قىتايعا ساپارى تۋرالى جان- جاقتى حابارلاپ وتىردى. اگەنتتىك ءوزىنىڭ جاڭالىقتار سايتىندا پرەزيدەنت توقايەۆ پەن ق ح ر ءتوراعاسى شي جينپين جانە باسقا قىتاي باسشىلارىنىڭ كەزدەسۋى تۋرالى ءبىرقاتار اقپارات ۇسىندى.
«شي جينپين 11 - قىركۇيەكتە قازاقستان پرەزيدەنتى قاسىم- جومارت توقايەۆپەن كەلىسسوز وتكىزدى. مەملەكەت باسشىلارى ەكى تاراپتىڭ بىرلەسكەن دامۋ، ىنتىماقتاستىق جانە ءوزارا تيىمدىلىك رۋحىندا قىتاي مەن قازاقستان اراسىنداعى ماڭگىلىك جانە جان- جاقتى ستراتەگيالىق سەرىكتەستىكتى دامىتادى دەپ ءبىراۋىزدان شەشىم قابىلدادى» دەپ جازدى اقپارات اگەنتتىگى.
بۇدان بولەك كوپتەگەن قىتاي ب ا ق- تارىندا «قازاقستان پرەزيدەنتىنىڭ قىتاي ءتىلىن جەتىك ءبىلۋى قىتاي حالقىن تاڭعالدىرادى» دەگەن تاقىرىپپەن ماقالالار جاريالاندى. سونىمەن قاتار، ول ماقالالاردا پرەزيدەنت توقايەۆتىڭ قىتايدا وقىعان جانە جۇمىس ىستەگەن كەزەڭدەرى تۋرالى ايتىلادى.
قىتايدىڭ «Global Times» گازەتى قازاقستان پرەزيدەنتىنىڭ قىتايعا ساپارى تۋرالى ماقالانى «قازاقستان پرەزيدەنتى: قازاقستان- قىتاي قارىم- قاتىناسى ديپلوماتيانىڭ ۇلگىسى» دەگەن تاقىرىپپەن جاريالادى.
Global Times گازەتىندەگى ماقالادا: «قازاقستان پرەزيدەنتى قىتاي قازاقستاننىڭ ەگەمەندىگىن جانە اۋماقتىق تۇتاستىعىن ءبىرىنشى بولىپ مويىنداعان ەلدەردىڭ ءبىرى، قازاقستانعا ەشقانداي شارتسىز كەپىلدىك بەرەتىن ءىرى ەلدەردىڭ ءبىرى بولىپ تابىلادى. سونىمەن بىرگە، قازاقستان «ءبىرتۇتاس قىتاي» قاعيداتىن بەرىك قولدايدى. ەكى حالىق اراسىنداعى تاريحي بايلانىس پەن ءوزارا تۇسىنىستىك ەكى ەل اراسىنداعى قازىرگى زامانعى قاتىناستاردىڭ تابىستى دامۋىنا نەگىز بولدى» دەپ گەن جولدار بار.
قىتايدىڭ «DuoWei News» باسىلىمى: «پرەزيدەنت توقايەۆ - قازاق جانە قىتاي حالقىنا دەگەن تەرەڭ سەزىمى بار ايگىلى سينولوگ» دەپ جازدى.
«توقايەۆ قىتايداعى كەڭەس ەلشىلىگىندە جۇمىس ىستەگەن جانە قازاقستاننىڭ سىرتقى ىستەر ءمينيسترى، قازاقستان ۇكىمەتىنىڭ پرەمەر- ءمينيسترى، ق ر پارلامەنتى جوعارعى پالاتاسىنىڭ سپيكەرى جانە ب ۇ ۇ باس حاتشىسىنىڭ ورىنباسارى سياقتى ماڭىزدى لاۋازىمداردا قىزمەت ەتكەن. ونىڭ پىكىرىنشە، ەجەلگى جىبەك جولى قازاقستان مەن قىتايدى تىعىز بايلانىستىرادى» دەيدى DuoWei News.
قىتايدىڭ ساياسي تالداۋلار جاسايتىن تاعى ءبىر تانىمال سايتى ThePaper.cn ءوزىنىڭ ماقالاسىندا قىتاي مەن قازاقستان اراسىنداعى قارىم- قاتىناس ءۇشىن پرەزيدەنت توقايەۆتىڭ ساپارى وتكەن كۇن جانە بولاشاق ءۇشىن ماڭىزدى بولعانىن اتاپ ءوتتى.
«قازىرگى ۋاقىتتا قازاقستان جاڭا تاريحي كەزەڭگە اياق باستى، جاڭا مۇمكىندىكتەرمەن قاتار قيىندىقتارعا تاپ بولادى. سونىمەن بىرگە، قىتاي مەن قازاقستان قارىم- قاتىناسىنىڭ جاڭا ءداۋىرى باستالدى. وسىنداي كەزەڭدەگى وسى ساپار قازاقستانداعى ەڭ جوعارعى بيلىك اۋىسقاننان كەيىن، ەكى ەل اراسىنداعى قاتىناستار قانداي باعىتتا داميتىنىن ناقتىلايدى. توقايەۆ - قىتايدى جاقسى بىلەتىن كوشباسشى. ول پرەزيدەنت بولىپ سايلانعاننان كەيىن قىتايعا دەگەن كوزقاراسى وزگەردى مە، نازاربايەۆتىڭ قىتايعا قاتىستى ساياساتىن جالعاستىرا ما، وسى ماسەلەلەر قىتايلىق ساراپشىلاردىڭ نازارىندا بولادى» ، - دەدى ThePaper.cn.
بۇدان بولەك، ماقالادا سونىمەن قازاقستان مەن قىتاي اراسىنداعى ساۋدا- ەكونوميكالىق ىنتىماقتاستىققا نازار اۋدارىلدى. گازەتتىڭ جازۋىنشا، قىتاي- قازاقستان ساۋدا- ەكونوميكالىق ىنتىماقتاستىعىنىڭ دامۋ قارقىنى وتە جاقسى.
قازاقستان پرەزيدەنتى قاسىم- جومارت توقايەۆتىڭ حاڭجوۋعا ساپارى تۋرالى ThePaper.cn : «توقايەۆ قىتاي- قازاقستاندىق ساۋدانى ءارتاراپتاندىرۋعا ءۇمىت ارتىپ وتىرعانىن كورۋگە بولادى. بۇل اسىرەسە يننوۆاتسيا، قازىرگى تەحنولوگيالار سالاسىنداعى ىنتىماقتاستىق تۋرالى. سونىمەن قاتار، قازاقستان پرەزيدەنتىنىڭ بۇل مارشرۋتى سونىڭ ىشىندە اۋىلشارۋاشىلىق كووپەراتسياسىلارىنىڭ كەلەشەگى قىتاي مەن قازاقستان اراسىنداعى ساۋدا- ەكونوميكالىق ىنتىماقتاستىق ءۇشىن ماڭىزدى تارتۋ بولادى» دەپ جازدى.
