قاسىم- جومارت توقايەۆ قىتايعا ساپارىندا اقجارقىن تۇرلىبايدىڭ تاعدىرىنا اراشا ءتۇستى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر پرەزيدەنتىنىڭ كومەكشىسى مۇرات نۇرتىلەۋوۆ ايتتى، دەپ حابارلايدى قازاقپارات ءتىلشىسى.
«ءبىز جول جۇرگەلى وتىرعاندا قاسىم- جومارت كەمەل ۇلىنىڭ اتىنا 2014 -جىلى گۋاڭجوۋ اۋەجايىندا قىتاي قۇقىققورعاۋ ورگاندارى ۇستاعان وتانداسىمىز اقجارقىن تۇرلىبايدىڭ اناسىنان ءوتىنىش تۇسكەن بولاتىن. ونىڭ ءماتىنى ب ا ق- تا جاريالاندى. وسىعان وراي مەملەكەت باسشىسى بەيجىڭدەگى كەزدەسۋلەردە قىتاي تاراپىنا جەكە ءوزىنىڭ ءوتىنىشىن جەتكىزدى. بۇل ماسەلە جان- جاقتى تالقىلاندى» ، - دەدى مۇرات نۇرتىلەۋوۆ.
ونىڭ اتاپ وتۋىنشە، ءوتىنىش ناتيجەسى بويىنشا سىرتقى ىستەر مينيسترلىگى ارقىلى وسى جۇمىستى جالعاستىرۋ ۋاعدالاستىعىنا قول جەتكىزىلدى.
«مەملەكەت باسشىسى ءوز تاراپىنان بۇل ماسەلەگە ۇلكەن كوڭىل ءبولىپ وتىر. سوندىقتان ساپار ناتيجەسى بويىنشا بەرىلەتىن تاپسىرمالار تىزىمىنە وتانداسىمىزدىڭ تاعدىرىنا قاتىستى ماسەلە ارنايى تارماق رەتىن ەنگىزىلەدى» ، - دەدى پرەزيدەنت كومەكشىسى.
