نايزاعاي، بۇرشاق، تۇمان: ەكى وبلىستا كۇن بۇزىلادى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى سينوپتيكتەر ەكى وڭىردە ەسكەرتۋ جاريالادى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

11 - قىركۇيەك كۇندىز شىعىس قازاقستان وبلىسىنىڭ كەي جەرلەرىندە نوسەر جاڭبىر جاۋىپ، 12 - قىركۇيەك تۇندە كەي جەرلەردە قاتتى جاۋىن- شاشىن (جاڭبىر، دىمقىل قار) بولادى. كەي جەرلەردە تۇمان ءتۇسىپ، نايزاعاي وينايدى. كۇندىز بۇرشاق جاۋادى. باتىستان جانە سولتۇستىك- باتىستان سوققان جەلدىڭ كۇشى كەي جەرلەردە 15-20 م/س جەتەدى.

11 - قىركۇيەكتە وسكەمەن قالاسىندا كۇن كۇركىرەپ، كۇندىز بۇرشاق جاۋادى. كۇندىز باتىستان جانە سولتۇستىك- باتىستان سوققان جەلدىڭ ەكپىنى - 15-20 م/س.

وسى كۇنى سەمەي قالاسىندا نايزاعاي جارقىلداپ، كۇندىز بۇرشاق جاۋادى. كۇندىز باتىستان جانە سولتۇستىك- باتىستان جەل سوعىپ، ەكپىنى 15-20 م/س دەيىن كۇشەيەدى.

 11 - قىركۇيەك كۇندىز  قىزىلوردا وبلىسىندا سولتۇستىكتەن جانە سولتۇستىك- شىعىستان سوققان جەلدىڭ كۇشى كەي جەرلەردە 15-20 م/س بولادى.