ا ق ش تا اسا ءىرى قولتىراۋىن قولعا ءتۇستى
بۇرىنعى رەكورد 2013 -جىلى تىركەلگەن ەدى. ول كەزدە اڭشىلار ۇزىندىعى 4,2 مەتر قولتىراۋىندى ۇستاعان. قولتىراۋىندى مەريۆەزەر وكرۋگىندا تۇراتىن دەرريك سنەلسون ۇستاعان. ول 16 جاستاعى قىزىمەن بىرگە كاسىبي قولتىراۋىن اۋلاۋشىلارمەن بىرگە اڭعا شىققان.
دەرريكتىڭ ايتۋىنشا، ولار ۇلكەن قولتىراۋىننىڭ باسىن بىردەن كورگەن. ءبىراق ونىڭ باسى تۇزاققا ءىلىنۋى ءۇشىن 5 ساعاتتان ارتىق كۇتكەن. سەبەبى ول ءار 45 مينۋتتا سۋ بەتىنە 10 سەكۋندقا عانا باسىن شىعارىپ وتىرعان. الايدا ادامزات اۋلاعان قولتىراۋىنداردىڭ اراسىندا ەڭ الىبى بۇل ەمەس. اۋستراليادا 2011 -جىلى ۇستالعان كاسسيۋس كلەي اتتى قولتىراۋىن بار. كاسسۋيستىڭ ۇزىندىعى 5,48 مەتر، سالماعى 998 كەلى. وعان ايگىلى بوكسشى مۇحاممەد ءاليدىڭ (كاسسيۋس مارسەللۋس كلەيدىڭ) ەسىمى بەرىلگەن.
كاسسۋيسكە بۇل اتاق بۇرىنعى رەكوردسمەن Lolong قايتىس بولۋىنا وراي تەلىنگەن ەكەن. Lolong-تىڭ ۇزىندىعى 6,17 مەتر، سالماعى ءبىر توننادان استام بولعان. سونداي- اق، ول Crocodylus porosus تۇرلەرىنە جاتادى. ونىڭ وكىلدەرى 100 -جىلدان استام ءومىر سۇرە الادى، 7 مەترگە دەيىن وسەدى جانە سالماعى توننادان اسادى. Lolong قولتىراۋىنى. ەڭ الىپ قولتىراۋىن دەپ Sarcosuchus imperator. بۇل تۇردەگى قولتىراۋىندار افريكادا 110 ميلليون جىل بۇرىن ءومىر سۇرگەن. سوڭعى قالدىقتارى ساحارا شولىنەن تابىلعان. عالىمداردىڭ پىكىرىنشە، 50-60 -جىل ىشىندە قولتىراۋىنداردىڭ ۇزىندىعى 11-12 مەترگە، سالماعى 8 تونناعا دەيىن جەتەدى.
Massaget.kz
