وبىردى ورازامەن جەڭۋگە بولادى

نۇر-سۇلتان. قازاقپارات – سوڭعى جىلدارى عالىمدار بۇرىننان بىلايعى ومىردە بۇرىننان بەلگىلى بولسا دا اعزانىڭ قاتەرلى ىسىكپەن كۇرەسىندە تاعامدى شەكتەۋدىڭ نەمەسە سۇننەتكە ساي تاماقتانۋدىڭ ماڭىزدىلىعىنا كوز جەتكىزدى.

دالىرەگى، ازعا قاناعات ەتىپ، تاماقتانۋ جيىلىگىن ازايتسا، قاتەرلى ىسىك دەرتىنە شالدىقپايدى (الدىن الادى) نەمەسە قاتەرلى ىسىك پايدا بولسا، ونىڭ بەتىن قايتارادى.

وسىعان بايلانىستى عالىمدار ءجيى اشىعۋدىڭ پايداسىن ناسيحاتتايدى. ادەتتە اشىعۋدى كوبىنە ارىقتاۋ، ارتىق سالماقتان قۇتىلۋ ءۇشىن قولدانىپ جاتادى. اشىعۋدى اۋرۋدىڭ الدىن الۋ، كارىلىكتى باياۋلاتۋ ءۇشىن قولداناتىندار قاراسى از.

عالىمدار زەرتحانادا اشىقتىرىپ ۇستاعان جانۋارلاردىڭ ءومىر ءسۇرۋ جاسىنىڭ ۇزارعانىنا كوز جەتكىزىپ وتىر. اشىعۋ ءوز كەزەگىندە زاقىمدالعان جاسۋشالاردىڭ قالپىنا كەلۋىن تەزدەتىپ، كارتايۋ پروتسەسىن باسەڭدەتەدى. بۇل باعىتتا ەڭ العاش رەت 1945 -جىلى اۋقىمدى زەرتتەۋ ۇرگىزىلگەنىن ايتا كەتۋ كەرەك.

2018 -جىلى وڭتۇستىك كاليفورنيا ۋنيۆەرسيتەتىنىڭ بيولوگى ۆالتەر د. لونگو باستاعان عالىمداردىڭ ايتۋىنشا، قورەكتىك زاتتار جەتىسپەگەن جاعدايدا ساۋ جاسۋشالار كوبەيۋدى قويىپ، ەڭ الدىمەن ءوز-ءوزىن ساقتاۋ رەجيمىنە كوشەدى. كوبەيۋ قاتەرلى ىسىكتىڭ جايىلۋىنا الىپ كەلەدى. ياعني، وسىلايشا قاتەرلى ىسىكتىڭ ودان ارى جايىلۋىنا توسقاۋىل قويىلادى.

بۇدان بولەك، اشىعۋ ۇزاققا سوزىلسا، اعزانى گليۋكوزا، ماي، كەتوننىڭ قورىن پايدالانادى، الايدا، سونىمەن قاتار، لەيكوتسيتتىڭ ەداۋىر بولىگىن جويادى. اشىعۋدىڭ ءار كەزەڭىندە زاقىمدالعان لەيكوتسيتتەر سانى ازايىپ، يممۋندىق جۇيەنىڭ جاڭا دىڭگەكتى جاسۋشالارىنىڭ رەگەنەراتسياسىن ىنتالاندىرادى. سونداي-اق، اشىعۋ ءۇشىن شىعىن شىعارىپ قويمايسىز، ازىق-تۇلىككە كەتەتىن قاراجاتىڭىزدى ۇنەمدەيسىز، ارزان ءارى ءتيىمدى، ەڭ باستىسى، قاۋىپسىز جولى وسى.

(ىقشامدالىپ الىندى)