ازاماتتاردىڭ بورىش جۇكتەمەسىن جەڭىلدەتۋ اكسياسى قاشانعا دەيىن جالعاسادى

نۇر- سۇلتان. قازاقپارات - ازاماتتاردىڭ كەپىلسىز تۇتىنۋشىلىق نەسيەسىن كەشىرۋ اكتسياسى ۋاقىتپەن شەكتەلمەگەن. 

ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسياسىندا ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى سۆەتلانا جاقىپوۆا وسىنداي مالىمەت ايتتى.

«بۇل ءبىر جولدىق اكسيا. ياعني، جالپى بەرەشەك سوماسى 2019 -جىلدىڭ 1 - ماۋسىمىنداعى جاعداي بويىنشا 3 ميلليون تەڭگەدەن اسپاۋعا ءتيىس. ماۋسىم ايىندا وسى جاڭالىقتى ەستي سالىپ بانكتەن نەسيە العاندار بۇل تىزىمگە كىرمەيدى. ونداي ازاماتتار بولدى. قابىلداۋعا كەلگەندەردىڭ اراسىندا دا بىرەن- ساران ازامات بولدى. ال تىزىمگە ەنبەي قالعاندار، ءوزىن اتالمىش 5 ساناتقا جاتامىن دەپ ەسەپتەيتىن ازاماتتار بىزگە قۇجاتتارىمەن بىرگە ءوتىنىشىن وتكىزۋى كەرەك. ياعني، اكتسيا قانداي دا ءبىر ۋاقىتپەن شەكتەلمەگەن. بۇل تۇرعىدا ازاماتتاردىڭ الاڭداۋىنا نەگىز جوق» ، - دەدى ۆيتسە- مينيستر.

ونىڭ ايتۋىنشا، ق ر ءبىلىم جانە عىلىم مينيسترلىگىنىڭ اقپاراتتىق جۇيەسىندە 4 مىڭنان استام جەتىم بالا مەن كامەلەتتىك جاسقا تولعانعا دەيىن اتا- انالارىنان ايىرىلعان 29 جاسقا تولماعان جاستار تۋرالى مالىمەت جوق.

 «ەگەر تىزىمدە بولماسا، ازاماتتار ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ بازاسىندا جۇمىس ىستەيتىن coll ورتالىققا جۇگىنە الادى. ۇيالى تەلەفون ارقىلى 200 دەي ادام ماعان تىكەلەي شىعىپ، وزدەرىنىڭ تىزىمگە ەنبەي قالعانىن حابارلادى. ول كىسىلەرگە ناقتى تۇردە كومەكتەسۋگە تىرىسىپ جاتىرمىز. ال وتكەن اپتانىڭ سەيسەنبى- بەيسەنبى كۇندەرى عانا 120 كىسى قابىلداۋعا كەلدى» ، - دەدى سۆەتلانا جاقىپوۆا.

coll -ورتالىق تەلەفوندارى: 111, 743220,750179,750178.