اتامبايەۆتىڭ قىزىنىڭ ۇياتتى سۋرەتتەرى قىرعىز جۇرتىنىڭ اشۋىن شاقىردى
العاشقى دەرەككوزدەگى جازبا كەيىننەن ءوشىرىلدى.
باسىلىمنىڭ اقپاراتىنشا، ەكس-پرەزيدەنتتىڭ قىزىنا ۇقسايتىن بويجەتكەن بەينەلەنگەن سەكسۋالدى باعىتتاعى سۋرەتتەر الەۋمەتتىك جەلىدە قىزۋ تالقىعا تۇسكەن.
جەلى قولدانۋشىلاردىڭ پىكىرى ەكىگە ءبولىندى. ءبىرى نارازىلىعىن بىلدىرسە، ەندى ءبىرى ۆيدەونى مونتاج دەپ تانىدى. اراسىندا قىزدىڭ ەسىرتكى قابىلداپ العانىن دا ايتقاندار بولدى.
وزگە پىكىر بىلدىرۋشىلەر ارۋدى جاقتاپ شىقتى. ولار باسقالارعا قىزدىڭ جەكە ومىرىنە ارالاسپاۋدى سۇرادى.
قىرعىزستاندىقتار بۇل جونىندە بىلاي پىكىر جازدى:
«اليا شاگيەۆا سەن بۇل ايدى قىزىقتى ەتتىڭ)))»، - دەپ قۋاندى جەلى قولدانۋشىلارىنىڭ ءبىرى.
«قىرعىزستان پرەزيدەنتىنىڭ قىزى اليا شاگيەۆا ۆەبكام ءسانقويى بولىپ شىقتى. ايتارىم وسى»، - دەپ پىكىر قالدىردى وقىرمان.
«اليا شاگيەۆا سەكىلدى باتىل، جان-جاقتى ادام بولعىم كەلەدى. بارلىق بوي جەتىپ كەلە جاتقان قىزدارىمىز ءۇشىن ۇلگى»، - دەپ ازىلدەدى تاعى بىرەۋى.
«ماعان شاگيەۆا ۇنامايدى، ونىڭ اكەسىنە دەگەن ويىم دا بارىنە ءمالىم. ءبىراق قاشاننان بەرى بەلسەندى سەكسۋالدى ءومىر ماسقارا بولىپ ەسەپتەلەتىن بولعان؟ سىزدەردىڭ قانداي ماسەلەلەرىڭىز بار؟»، - دەدى ارۋلاردىڭ ءبىرى.
«عالامدى توقتاتىڭىز، شاگيەۆا ودان كەتسىن!»، - Facebook-تەگى جازبا وسىنداي اتاۋمەن شىقتى.
جازبانىڭ استانا كوپشىلىك جەكە ومىرگە قول سۇعۋدىڭ قانشالىقتى دۇرىس ەمەس ەكەنىن جارىسا جازدى.
«ولاي ىستەۋگە بولمايدى. باسقا بىرەۋدىڭ جەكە ءومىرىن كوپشىلىككە جايۋ، ارالاسۋ - لاس ارەكەت»، «اۆتور - بۇل ونىڭ جەكە شارۋاسى. كەيبىر «تاقۋا» ايەلدەر وزدەرىن سولاي كورسەتىپ، ىشىنەن بىلگەنىن ىستەپ جۇرگەندەرىنە سەنىمدىمىن. ال ول ءوزىنىڭ قانداي ەكەنىن جاسىرمايدى»، «ادامداردىڭ كىمدە نە بولىپ جاتقانىندا نە شارۋاسى بار؟ مەنىڭ تەلەفونىما كىرسەڭ، ءبىراز نارسە كورەسىڭ»، - دەپ جازدى ولار.
اليا شاگيەۆا تۋرالى نە بىلەمىز؟
بۇعان دەيىن ەكس-پرەزيدەنتتىڭ 22 جاستاعى قىزىنىڭ ونى باسقالاردان بولەكتەمەۋى ءۇشىن بالا كۇنىنەن اناسىنىڭ تەگىن الىپ جۇرگەنى حابارلانعان.
ءۇش جىل بۇرىن بويجەتكەن كونستانتين ريازانوۆ ەسىمدى قاراپايىم ورىس پروگرامميسىنە تۇرمىسقا شىققانى بەلگىلى بولدى.
بۇل جاڭالىق قوعامدا داۋ تۋدىرعان. ەكى بالاسى بار وتباسى بىشكەكتە تۇرادى.
Lenta.ru باسىلىمىنىڭ مالىمەتىنشە، اليانى پوستكەڭەستىك كوشباسشىنىڭ قاراپايىم قىزى دەۋگە كەلمەس. ول ەشقاشان ساۋىق كەشتەرىنەن كورىنگەن ەمەس. ونىڭ ۇستىنە بويجەتكەننىڭ مۇلكى تۋرالى دا ەش اقپارات جوق.
اتامبايەۆتىڭ قىزى جارىمەن بىرگە ساياحاتتاعاندى ۇناتادى. اليا تەڭ قۇقىق پەن فيمينيزم تۋرالى، وتباسلىق ءومىر مەن شىعارماشىلىق جايلى جەكە بلوگىن جۇرگىزەدى.
الەۋمەتتىك جەلىلەرگە شاگيەۆا ءوزى سالعان سۋرەتتەرىن دە ءجيى جۇكتەيدى.
