12:57, 09 - قىركۇيەك 2019 | GMT +6
ا ق ش پەن تۇركيا كۇشتەرى سيريادا بىرگە شولعىنعا شىقتى
نۇر-سۇلتان. قازاقپارات – ا ق ش جانە تۇركيا قارۋلى كۇشتەرى جەكسەنبى، 8- قىركۇيەكتە سيريانىڭ ەۆفرات وزەنىنەن شىعىس ايماعىنداعى اۋداندارىندا العاش رەت بىرلەسىپ شولعىنعا شىقتى. تۇركيالىق Anadolu اگەنتتىگى بۇل اۋدانداردا «قاۋىپسىزدىك ايماعى» قۇرىلاتىنى تۋرالى حابارلادى.
تۇركيا قورعانىس مينيسترلىگىنىڭ مالىمەتىنشە، قۇرلىقتاعى بىرلەسكەن وپەراتسياعا تۇرىكتىڭ اكچاكال اۋدانىنان سيرياعا بارعان التى بەرەندى تەحنيكاسى قاتىسقان. وپەراتسياعا بايلانىستى جوسپارىمەن الماسقاننان كەيىن ەكى ەلدىڭ اسكەريلەرى سيريانىڭ سولتۇستىگىندەگى تەلل-ابياد قالاسىنا بەت العان. تۇركيامەن شەكاراعا قايتا ورالعان كەزدە شولعىن توبىنا اۋەدە تىكۇشاقتار مەن اسكەري دروندار ىلەسىپ ۇشىپ جۇرگەن. شولعىن وپەراتسياسى ءۇش ساعاتقا جۋىق ۋاقىتقا سوزىلعان.
ا ق ش پەن تۇركيا تامىزدىڭ باسىندا سيريانىڭ سولتۇستىگىندە «قاۋىپسىزدىك ايماعىن» قۇرۋ تۋرالى كەلىسىم جاساسقان.
